كام شخص سافر خارج البلد من صغره لكي يجد فرصة عمل أفضل يعرف كيف يعيش منها لدرجة انه لم يدخل الجيش. والآن هو في سن الخدمه العسكرية وخائف ينزل مصر يطلب للخدمه ولا يعرف كيف يسافر مرة أخرى، لذلك فإن الحكومة أصدرت قرار جديد في هذا الشأن والسر في 500 دولار.
مبادرة جديدة من الحكومة وهي مبادرة تسوية المواقف التجنيدية للمواطنين بالخارج اللي كتير منهم شايلين هم أداء الخدمة العسكرية لدرجة أنهم خايفين يرجعوا البلد تاني، بس إيه حكاية المبادرة دي؟
شوف ياسيدي وزارة الهجرة وصلها طلبات كتيرة من المواطنين في الخارج بيسألوا فيها عن طريقة تسمح بتسوية موقفهم من التجنيد، لأن كتير منهم خايف أنه يجي مصر ويتمنع من السفر تاني بسبب عدم التصريح ليهم بالسفر عشان مطلوبين في الخدمة العسكرية وعدم إنهاء موقفهم من التجنيد
فوزارة الخارجية ردت وقالت إنها هتقدم كل التيسيرات للمصريين المقيمين بالخارج عشان تحقق الاستقرار ليهم سواء في العمل أو الدراسة أو العلاج.
وعشان كده هتفتح باب التسجيل على موقع وزارة الخارجية اعتبارا من يوم 14 أغسطس، وده هيكون لمدة شهر.
َوطبعا ناس كتيرة دلوقتي بتسأل إيه شروط وطريقة التقديم؟
بص ياسيدي وزارة الخارجية هتفتح باب التسجيل في المبادرة عن طريق موقعها الاكتروني بداية من 14 أغسطس الحاي ولمدة شهر.
ولكل واحد بيعاني من المشكلة دي، كل اللي عليك تدخل على موقع وزارة الخارجية في التاريخ المحدد وتقدم طلب بتسوية موقف التجنيد.
وخد بالك التسجيل في المبادرة متاح للمواطنين بالخارج من س 19 سنة لغاية 30 سنة، وكمان متاح للي عدوا ال30 سنة. وعلى فكرة أنت مش هتقدر تجدد جواز سفرك إلا بعد تسوية الموقف التجنيدي .
وبالنسبة بقى للبيانات المطلوبة على موقع الوزارة فهيطلب منك اللسم وصورة بطاقة الرقم القومي وصورة جواز السفر وتاريخ الميلاد والرقم الثلاثي لو موجود، وكمان تاريخ مغادرة البلاد و اسم الدولة المقيم فيها والبريد الإلكتروني
ودلوقتي بقى نيجي لاهم حاجة، وهي الفلوس اللي هتدفعها، وببساطة كده انت هتدفع 5 آلاف دولار أو يورو.
وطبعا هيبقى مطلوب منك تسجيل اسم البنك واسم الحساب والسويفت كود ورقم العملية، وخد بالك، انت هتحول الفلوس على بنك مصر فرع أبوظبي.
وأخيرا بقى وزارة الخارجية طلبت من المواطنين المقيمين بالخارج، سرعة التسجيل على موقع الوزارة خلال المدة اللي حددتها عشان ينهوا موقفهم من التجنيد من خلال المبادرة دي.
وعلى فكرة دي مكنتش المبادرة الأولى اللي أطلقتها الدولة للمصريين في الخارج، وفي الساعات الأخيرة، البنوك أطلقت مبادرة القروض الشخصية للمصريين بالخارج، بس ايه تفاصيل المبادرة ده؟
أنا أقولك، البنك الأهلي وبنك مصر أعلنوا من كام يوم طرح قروض شخصية للمصريين العاملين بالخارج بضمان مرتباتهم وبسعر فايدة أقل بنسبة 2.25% من سعر الإقراض في البنك المركزي
البنك قال كمان إن قيمة القرض ده بيتسدد بالعملة الأجنبية وبحد أدنى 50 ألف جنيه لحد 3 مليون جنيه كحد أقصى، ومدة سداده بتوصل لـ 4 سنين، ومن مميزات القرض ده إنه من غير أي مصاريف إدارية وكمان بتاخد تأمين مجاني على الحياة.
ودلوقتي بقى قولنا رأيك في مبادرة تسوية مبادرة التجنيد؟ واعمل شير عشان المعلومة توصل لعدد أكبر من الناس خصوصا لو منهم قرايبك أو معارفك اللي شغالين بره مصر.