حلت الفنانة لقاء الخميسي، الساعات الماضية، ضيفة مع الإعلامي تامر شلتوت، في برنامج In Deep “في العمق”، المذاع عبر قناته الرسمية بموقع الفيديوهات الشهير يوتيوب.
وخلال اللقاء كشفت لقاء الخميسي تفاصيل بداية علاقتها بزوجها اللاعب محمد عبد المنصف.
تصريحات مثيرة من لقاء الخميسي عن عبد المنصف
وقالت لقاء: ” أول ما بصيت لعينه حسيته طيب ونحنوح، هو اللي قالي في الأول بحبك، واتقابلنا صدفة في كافيه، بعدها خرجنا ولعبنا تنس، لقيته بريء براءة غير طبيعية”.
وتابعت: “كنت بقول هو الراجل ده ممسكش إيدي ليه؟، وليه طول الوقت بيبص لي في عيني بس، اليوم اللي مسك في إيدي هو اليوم اللي باسني على خدي اللي وقالي فيه تتجوزيني، كان بقاله 6 شهور ممسكش إيدي.. مش عارفة ليه.”
وأكملت: “بغير عليه جدًا وعلى الله أشوف وش واحدة جمبه، وهو مكنش بيغير عليّ الأول، لكن دلوقتي بيغير علي زيادة على اللزوم.”
وأضافت: “أي هجوم له علاقة بمحمد عبد المنصف بيجنني، أول ما حد بيجي على طرف عبد المنصف بقوم في الناس قومه رجل واحد، هتشتم هشتم مبسكوتش”.
وأشارت لقاء:”حبيت وأنا في المعهد مكنش حب جواز أو ارتباط، اتعرضت للخيانة مرة واحدة في حياتي، هو كان شخص بيخون على طول، وكنت عارفة إنه عارف بنات كتير، لما خاني مشيت ومقولتلوش السبب، مبمشيش وأنا مريحاك، ومبردش على تليفونات نهائي، بتعامل بالبلوك”.”
وتابعت: “متخانتش من أصدقاء كتير، لأني باخد بالي بصاحب مين، فيه ناس ضربت من تحت الحزام، بس مش مهمين في حياتي، وفي ناس مهمة خانتني، وزعلت وقعدت في البيت وعانيت، لكن تعاملت معاهم بالبلوك ومردتش على إهانتهم”
وكانت أحدث أعمال لقاء الخميسي، مسلسل “إجازة مفتوحة” من نوعية أعمال الـ40 حلقة، بطولة شريف منير، وسميحة أيوب، وملك قورة، ونور محمود، ودنيا ماهر، ومراد مكرم، وكريم أبو زيد، وهشام إسماعيل، وهدى مجد، وصبا الرافعي، وألفت عمر، ومحمد العمروسي، وأحمد زكريا، وعدد من الفنانين الشباب، وتأليف أحمد محمود أبو زيد وإخراج محمد عبدالرحمن حماقي.
كما شاركت في مسلسل “زي القمر” الجزء 2 بحكاية “حتة من القمر”، كانت تجسد شخصية “قمر”، وكان هذا العمل بطولة كل من: درة، وأحمد حلاوة، وصابرين، وآيتن عامر، ومحسن منصور، ولبنى ونس، وكان هذا العمل من إخراج شيرين عادل وتأليف فداء الشندويلي.
اقرأ ايضا:
«ضربته بالقلم قدام الناس».. السبب الحقيقي وراء صفع لقاء سويدان لميدو عادل