البحر اختفي ولا أحد يرى السماء وإن كنت تسير بجوار شخص فلن تتمكن من رؤيته..مفاجآت بالجملة في اللحظات الاولى من وصول العاصفه دانيال إلى مصر.. فهل معقول نرى نفس مصير ليبيا واليونان؟
طيب ايه اللي حصل فيهم اصلا ومخوفة الناس في مصر؟ وايه المناطق اللي خطر؟ وإزاي خسرنا 1.2 مليار جنيه من 3 سنين لنفس السبب تقريبا..
دخلت ليبيا واليونان ايام معدوده لكنها اتسببت في خساير بمليارات الدولارات :طرق كامله اتهدمت، جسور واعمدة كهربا اتساوت بالأرض.. مدن كامله اختفت.. ومحاصيل زراعيه على مساحات شاسعه اتدمرت، ده غير خساير في الارواح بالمئات.
وفي لحظاتها الاولى داخل مصر، اختلف المشعل تمام في بعض المناطق البداية في المدن الساحليه من الساحل الشمالي ومرسى مطروح اسكندريه.
في اسكندريه والساحل الضباب هو سيد الموقف: السما اختفت والبحر كمان اختفي وبعينك استحالة هتشوفهم.
انقل بقى لشوارع القاهره الكبرى هتلاقي نشاط الرياح شديد جدا والسماء لونها اصفر من كتر التراب اللي مالي الجو، عشان كده السؤال الوحيد دلوقتي ايه توقعات تأثير العاصفه في مصر؟ ومستمره معانا قد ايه؟
هيئه الارصاد الجويه حذرت من 72 ساعه حرجة بتعيشهم مصر بسبب عدم استقرار الطقس نتيجه مرور العاصفه دانيال.
وبحسب بيان الهيئة: اكتر المدن عرضة للعاصفة هي السلوم ومطروح وسيوة، ودول بالذات عرض للأمطار الرعدية.
بس ده ما يمنعش برده ان تاثير العاطفه ممتد بباقي السواحل الشماليه على بالليل كده هنشوف الامطار وصلت اسكندريه.
ده حتى مدن الصعيد هينولها من العاصفه جانب وغالبا هتشوف رياح محمله بالاتربة، كمان في مناطق تانية معوضة للأمطار زي مدن جنوب الوجه البحري ومدن القناة زي بورسعيد ودمياط وكفر الشيخ والبحيرة ومعاهم أجزاء من القاهرة الكبري القليوبية.
فراغ متوقعات سقوط الامطار لكن درجه الحراره هتكون مرتفعه في اغلب مناطق الجمهورية، لو لسه قلقان وبتسال هل الموضوع هيقف عند الامطار ولا هنشوف سيول فيضانات زي ما حصل في اليونان وليبيا؟
بص يا سيدي هيئه الارصاد طمنت المصريين وقالت ان العاصفه فقدت جزء كبير من قوتها في اليونان وليبيا يعني داخله مصر بأقل ضرر.
لكن ده برده ما يمنعش ان الحذر واجب، خصوصا للي عايشين في المناطق اللي هيكون فيها امطار رعدية، ويفضل انهم يبعدوا عن اماكن الأمطار، كمان الناس اللي عندها مشكله في التنفس يا ريت ما يخرجوش اليومين دول.
وعشان تطمن اكتر، عدد من المدن أعلنت الاستعداد للعاصفة دانيال برفع درجة الطوارئ إلى الدرجة القصوى وأولهم محافظة مطروح ايه اللي بدأت تراجع مخرات السيول والاستعدادات لسحب الميه من الشوارع.
ومع الفيديوهات المنتشره عن اللي عملته العاصفة دانيال في اليونان وليبيا، الناس بدأت تفتكر عاصفة التنين اللي اتعرضت ليها مصر في مارس 2020.
ساعتها البلد كلها خدت إجازة والمصالح كلها اتعطلت وفعلا شفنا شوارع كامله محدش عارف يمشي فيها وعربيات عايمه في المية.
انت متخيل ان ساعتها خساير مصر خلال كام يوم بس وصلت ل1.2 مليار جنيه!
ده اللي أكده بيان رئاسة الجمهورية في وقتها لما كشف عن 650 مليون جنيه تكلفة تطوير منطقة المتأثرة بحلوان
وكمان خسائر في البنية التحتية لشبكة الكهرباء بقيمة 400 مليون جنيه، ده في. خسائر بقيمة 100 مليون جنيه تعرضت لها الطرق والمحاور القديمة، مع بعض التلفيات والخسائر في قطاعات السكك الحديدية والموانئ والنقل البحري.
بس المفروض حسب توقعات الارصاد، عاصفة دانيال تمر على مصر بأقل الخسائر وربنا يستر.
