حالة من الحزن خيمت على مواقع التواصل الاجتماعي، بعد منشور لأحد الأشخاص وهو يرثي فيه زوجته التي توفيت فجأة بعد 8 سنوات زواج.
وقام «نصر أحمد» من كفر الشيخ، برثاء زوجته في منشور عبر حسابه على السوشيال ميديا بمنشور مؤثر تفاعل معه الآلاف من رواد مواقع التواصل الاجتماعي.
قصة وفاة زوجة بشكل مفاجئ
وقال نصر: «عشت معاها أجمل سنه في حياتي وإحنا مخطوبين، وعيشت معاها 8 سنين في الجنه لا عمرها اشتكت من قله الفلوس ولا عمرها طلبت مني حاجه فوق طاقتي”.
وتابع: «وقفت معايا في شغلي واستحملت كتير لحد لما بقينا رقم واحد وكل دا بفضل ربنا ثم بفضلها عليا، لما عملت حادثه كنت بقولها لو مش عاوزه تكملي معايا انا مش هزعل كانت بتقولي هو انا لقياك في الشارع علشان اسيبك وبعدين هو انت تعيشني اجمل 7 سنين في حياتي ومش عاوزني استحمل 5 او 6 شهور».
وكشف نصر تفاصيل الوفاة في تصريحات صحفية، قائلا: “فجأة بصحيها مردتش وماتت وسابتني، سنة كاملة لا عارف اكل ولا اشرب ولا انام، ولادي متبهدلين، وأنا تايه مش عارف رايح فين”.
وتابع: «هفضل عايش على ذكراها وذكرى أحلى 8 سنين في حياتي، عمري ما كنت اتخيل ان روحي تفارق جسدي وابقي عايش بدون روح».
اقرأ ايضا:
