حلت الفنانة سحر رامي، الساعات الماضية، ضيفة في برنامج “المنسي” عبر قناة “هي” ، والذي كشفت فيه عن أسرار حياتها الخاصة.
وخلال اللقاء، أجابت سحر رامي على سؤال : “ليه زواج الفنانين مابيستمرش؟”.
سحر رامي تبكي على الهواء وتفجر مفاجأة
وقالت سحر رامي: “مش كل الجوازات بتفشل فيه حالات بتنجح، هو بس عشان احنا تحت الاضواء واحنا الفنانين عندنا حس مرهف ، وطالما ان الجوازة مش وقتية او حبوا بعض في فيلم او اتقابلو في مسلسل وحبوا بعض، وبعد المسلسل يسيبوا بعض”.
وتابعت: ” انا حدوتي مش كدا انا كل ماافتكر ان جوزي مات من 9 سنين مببقاش مصدقة، انا فاكرة كل حاجة كانها امبارح، عشان كدا كنا مستمرين مع بعض”.
وأضافت: “الأولاد ساعات يدخلوا عليا بيفتكروني مجنونة بكلم نفسي وبكلمه، مجنونة مش مجنونة أنا بكلمه، وباخد رأيه في كل حاجة وتعليقات على أي حاجة”.
وتابعت: “إحنا كان عندنا تواصل دائم وتعليقات على أي حاجة ومحدش بيفهمها إلا أنا وهو، لما بحب أعلق على موقف بكلمه وأقوله عليها”.
