حل الفنان أحمد حلمي، الساعات الماضية، ضيفًا مع الإعلامي أنس بوخش، خلال برنامج Abs talk، والذي كشف فيه عن أسرار من حياته الخاصة لأول مرة.
وقال أحمد حلمي خلال اللقاء:”لحظة وفاة أبويا كانت صعبة وهو كان راجل صامت ومشاهد أكتر منه متكلم وحسيت بعد كده أنه له فضل كبير في تكويني وصفاتي وزعلان اني ملحقتش أخطف من وقت ابويا كتير وأتمنى الزمن يرجع بيا علشان ابقى معاه لإنه وحشني جدا”.
تصريحات مفاجئة من أحمد حلمي
وتابع: “بعد وفاته حاولت كتير أجيب أمي تعيش جنبي مبترضاش مش عايزة وحابة تبقى في بيتها وكانت امنيتي تبقى ساكنة في الشقة اللي جانبي بس احترمت رغبتها في البقاء في بيت والدي وأنا عمري ما هاكون أناني”.
واضاف:” أنا عمري ما عرفت أنا مين بحس أني تكويني كتلة من التناقضات كلها.. وسألت نفسي كتير مين أنا وموصلتش لحل.”
وعن طفولته، أوضح حلمي: “طفولتي لم تكن كما أحب وكان نفسي أكون بعرف لغات وأكون بسافر كتير وأنا صغير، وحبيت خالة صاحبي وأنا عندي 6 سنين وكانت ست كبيرة وفكرت ازاي أقوله، والواحد لما بيكبر كان نفسه يصغر.. وفي حاجات بتبقى عايز تعيدها تاني.”
ويعد آخر أعمال أحمد حلمي فيلم واحد تاني، وعرض الفيلم في عيد الفطر لعام 2022، وحقق العمل نجاحًا كبيرًا، وضم عددا كبيرا من النجوم أبرزهم: أحمد مالك، روبي، سيد رجب، نور إيهاب، وعدد آخر من الفنانين، وهو من تأليف هيثم دبور وإخراج محمد شاكر خضير.
اقرأ ايضا:
