حلت الفنانة غادة عبد الرازق الساعات الماضية، ضيفة على برنامج “كتاب الشهرة”، وتحدثت خلاله مع مقدمه علي ياسين عن الكثير من الأمور الشائكة.
وخلال اللقاء قالت غادة أنها تزوجت من أشخاص أكبر منها سنًا بسبب محاولتها للحصول على حنان والدها بعد رحيله وليس بدافع الحب.
«ليه اتجوزتي راجل أكبر منك ب25 سنة؟».. رد صادم من غادة عبد الرازق
وأضافت: “وفاة والدي وأخويا وأنا في سن صغير خلاني ارتبطت بـ أشخاص أكبر مني، وبعد والد روتانا ارتبطت مرتين بالأكبر مني في السن جدًا.. وكنت بحاول أدور على بابا تاني”.
وتابعت: “المبرر في إني كنت بتجوز حد أكبر مني بـ 25 سنة إني كنت بدور على بابا مش حب.”
وأكملت: “قبل ما بابا يتوفى بـ 3 أيام كان مبسوط، لأنه كان هيبقى وزير وحصله هبوط في الدورة الدموية، وتاني يوم الساعة 7 الصبح عرفنا إن بابا توفى، ومش فاكرة هل اتكسرت أو ضعفت.”
وفي وقت سابق، كشفت الفنانة غادة عبد الرازق، لأول مرة السبب وراء زواجها في سن صغير، قائلة: “كانت عقدتي إني نفسي أخرج، وكنت بشوف أختي يسرية بتخرج علشان مخطوبة، وبابا كان قافل علينا، وبعد وفاته ماما قفلت علينا، وكانت عندي 12 سنة وأختي في الكلية، وكنت هموت وأشوف شكل الديسكو.”
وردا على سؤال هل كان زواجها بطريقة زواج الصالونات، قالت غادة عبد الرازق: “نص الحكاية كان حب ونصها كان علشان أخرج، ووالد روتانا كان في شلة أختي يسرية في الجامعة، وشافني في عيد ميلاد وقال هي دي، وأنا قفشت فيه علشان أخرج”.
اقرأ ايضا:
