أغنية محمد رمضان الجديدة تسبب في ضجة كبيرة ، لكن هذه المرة ليس بسبب جمال الأغنية ولكن بسبب ما فعله محمد رمضان فيها ، هذا الكليب الذي حقق مشاهدت كبيرة منذ طرحه على موقع اليوتيوب.
اغنية تطبطب دي اخر حاجة عملها رمضان اللي هو مقتنع انه صوته حلو وعملنا اغاني كتير وكليبات كلها أفورة ، ولحد من سنتين كانت أغانيه بتنجح جدا وبتمسع مع الناس زي مافيا ونمبر وان ، لكن مؤخراً بقى مبقتش اغاني رمضان تحقق الملايين اللي كانت بتعملها زمان وهو ده اللي حصل مع اغنية تطبطب.
من اول ما رمضان روج للأغنية دي من كام يوم كدا والهجوم بدأ عليه ، لانه ظهر في البرومو وهو نايم وجنبيه 3 بنات ، والمشهد ده اثار استفزاز الناس جدا وكلهم هاجموه من قبل من الاغنية تنزل.
وبعد ما نزلت امبارح والجمهور شافها، برضه كان في انتقاد كبير ليها لأنها مش شبههنا ومش فاهمين هو عايز يقولنا ايه بالظبط ، وايه لازمة ان يطلع لابس روب ستان ونايم في حضن 3 بنات بالشكل ده.
محمد رمضان بيحاول يعمل زي النجوم بتوع برا ، ويصور كليباته بنفس الطريقة لكن ده مش واكل مع المصريين لانه ببساطة مش لايق على رمضان الموضوع ده ، هو بالنسبالنا بيعمل مسلسلات كويسة وكلنا بنتفرج عليها ، لكن اللي بيعمله في اغانيه ملوش علاقة بالمصريين خالص.
وهو ذات نفسه مش لايق عليه اللي بيعمله في الكليبات وبيحاول يقلد نجوم الغرب بأي طريقة سواء في اللبس او الجرأة او موضوع البنات ده اللي بيظهروا معاه.
كمان ظهر رمضان في الاغنية وهو ماسك ازازة ، وطبعا مسلمش من تعليقات الناس اللي اعتبروه بيشرب خمور ، حتى لو الازازاة فاضية وده مجرد تمثيل، بس ليه يصور الكليب بالشكل ده ؟ ودي كانت من انتقادات الجمهور وتعليقاتهم على اخر اغنية.
ده غير بقى اللبس اللي ظهر بيه رمضان في الكليب ، مرة بروب ستان خلى الناس انتقدته ، ومرة لبس قميص مخرم شبه اللي لبسه احمد سعد من فترة واتعمل عليه حفلة، لكن رمضان متعملش من الغلط و رجع كرر نفس الموضوع في اخر كليب وكان شكله مش ألطف حاجة ومعجبش الجمهور.
طبعا ده غير انه ظهر في كذا مشهد وهو مش لابس قميص ودي عادة عند محمد رمضان من ساعة ما طلع يغني وبيظهرلنا كدا في كل الكليبات وكمان الحفلات ، وعنده عشق انه يبين صدره وعضلاته للجمهور ، ودي برضه حاجة دايما الناس بتنتقده فيها
الاغنية دي اتصورت في اليونان ، ورمضان قرر ميطلعش لوحده لانه بقى يحبف فكرة الدويتو بس مش اي دويتو بقى ، ده كل مرة يبختار نجم مشهور يعمل معاه كليب ، والمرادي اختار فنان يوناني اسمه ستيفانوس وهو اللي طالع معاه في اغنية تطبطب، بس احنا اول مرة نشوفه يا رمضان ومش فاهمين بيقول ايه
المهم ان من كام اسبوع كدا رمضان سافر اليونان زيه زي نجوم كتير يقضوا اجازة الصيف هناك ، لكنه راح يصور كليب تطبطب ، وكمان عمل حفلة هناك حضرها صديقه الانتيم رجل الاعمال نجيب ساويرس
والكام يوم اللي فاتوا اتجمع نجوم كتير في اليونان بيقضوا اجازتهم ، منهم ابننا محمد صلاح واحمد سعد اللي قابله وقعدوا يغنوا ويرقصوا
وفي نفس التوقيت سافر محمد رمضان ونشر فيديو ليه وهو نازل من الطيارة و ورنا شكل المكان اللي قاعد فيه في اليونان
طب محمد رمضان هيعمل ايه الفترة الجاية ؟ المفروض انه هيطرح فيلم جديد في السينمات اسمه ع الزيرو ، وده كان المفروض ينزل في عيد الاضحى لكنه اتأجل عشان مكنش لسه خلص
وكمان هيبدأ محمد رمضان يصور الجزء التاني من مسلسل جعفر العمدة اللي أعلن عنه من حوالي شهر ، عشان يتعرض في رمضان الجاي ، وده بعد ما حقق نجاح كبير جدا في رمضان اللي فات ، وكان تقريبا اكتر مسلسل متشاف ، لدرجة ان الناس كانت بتتجمع على القهاوي بعد الفطار عشان يشوفوا جعفر وهو بيدور على ابنه سيف
ياترى رمضان هيتحفنا بكليبات واغاني تاني قريب؟
