تحدثت الفنانة رحمة أحمد، عن الكواليس التي جمعتها بالفنان محمد سلام خلال تصوير مسلسل الكبير أوي، وذلك خلال تصريحاته تلفزيونية.
وقالت رحمة أحمد: محمد سلام أتفه واحد في العالم وهادي وبسيط وعمري في حياتي ما شوفته متضايق أو متعصب، وهو بيحب الغطس أوي فغالبا ده مأثر على شخصيته وهادي جدا.
وتابعت: أحمد مكي في الحقيقة دمه خفيف أوي واللي بيظهر على الشاشة ده ميجيش 20 % من العادي بتاعه، طول الوقت بيقول إيفيهات وقعدته فظيعة وبيضحك أوي.
وأضافت رحمة أحمد: ليا أخ توأم وبنحس ببعض وأنا وهو أقرب لبعض من أخواتنا التانيين، ومرة كان عندي مشكلة في الشغل وقاعدة بعيط بقالي ساعتين والوقت متأخر، لقيته باعتلي بيقولي إنتي كويسة؟.. واتخضيت جدا مع إني مكنتش مؤمنة بأن التوأم بيحسوا ببعض.
وكشفت رحمة أحمد، عن بداية التحاقها بالتمثيل، مؤكدة أنها بدأت من مسرح الكلية، وقالت: كان نفسي أدخل كلية علاج طبيعي بس المجموع وداني كلية علوم، ودخلت التمثيل من فريق المسرح بالكلية.
واختتمت رحمة أحمد حديثها قائلةً: أنا عايشة في بيت عيلة، ونصايحي للبنات اللي هيعيشوا في بيت عيلة إن مبدئيا متكسرش حاجة في البيت لأن أنا أول حاجة كسرتها المطبقية، ولو جت فرصة قدمي لحماتك هدية، أو لو حاجة باظت في البيت هاتي بدالها، وفيه تكريمات كتير بعتذر عنها بسبب إني بخاف من التجمعات والزحمة وأعصابي بتتعب وبحاول أجهز نفسي نفسيا قبل أي مهرجان.
