حل الفنان محمد هنيدي، الساعات الماضية، ضيفًا في برنامج “ضيفي”، الذي يقدمه الإعلامي معتز الدمرداش عبر قناة الشرق للأخبار.
وخلال اللقاء، كشف محمد هنيدي، قصة محاولته لاستئجار شقة في الزمالك، ليفاجأ بأنها شقة مسكونة بالأشباح.
محمد هنيدي يروي قصة شقة الزمالك المسكونة
وقال هنيدي: “القصة حصلت أيام بروفات مسرحية حزمني يا، بعد ما بقى عندي أجر وقدرت آخد سلفة وأعيش في شقة لوحدي”.
وتابع: “أنا وأحمد عبد الله رمينا الشنط ونمنا، وفجأة لقينا المطبخ اشتغل لوحده طبيخ كإن في عيلة موجودة فيه، وإحنا أجبن إثنين في العالم”.
وأكمل: “أحمد عبد الله أسمر لقيت وشه أبيض، ومعرفش أخذنا هدومنا إزاي وجرينا من الشقة الساعة 4 الفجر، وإتكعبلنا على السلالم، وأهم حاجة العود اتكسر”.
وفي وقت سابق، كشف النجم محمد هنيدي كواليس خلافه مع “الزعيم” عادل إمام، بعد رفضه المشاركة في أحد أفلامه.
وقال هنيدي : “حصل فعلا إن بعد مشاركتي في فيلم بخيت وعديلة كان في دور، لكن كان مش عاجبني ومحستش إني ممكن أعمل فيه حاجة”.
وأضاف: “الناس كلها استغربت وسألتني هتعمل إيه مع أستاذ عادل، وروحت قلت له لو في دور حضرتك مش حابه تعمله، قال لأ، قلت له أنا مش حابب الدور وانتهى الموضوع”.
وعن طبيعة علاقته بعادل إمام بعد ذلك الموقف، قال محمد هنيدي: “زي الفل، وكنت عايز أروح له في عيد ميلاده وما زلت”.
وكشف النجم محمد هنيدي، عن حقيقة وجود علاقة عاطفية بينه وبين بنت من دولة كينيا، مؤكدا أنه لم يسافر كينيا في وقت سابق نهائيا، ورد ساخرًا: “حد يروح كينيا في الحر ده”.
