كشفت الفنانة ميار الببلاوي، تفاصيل الحالة الصحية لابنها، بعد تعرضه لأزمة صحية خلال الأيام القليلة الماضية، أدت إلى دخوله أحد المستشفيات الكبرى في القاهرة، مطالبة جمهورها بالدعاء له بالشفاء العاجل.
تفاصيل الحالة الصيحة لـ نجل ميار الببلاوي
قالت ميار الببلاوي في تصريحات صحفية؛ وهي منهارة من البكاء: حالة ابني بتسوء ومبقاش قادر يتكلم لأن الصديد عامل كرة تحت لسانه فمش بيقدر يتكلم خالص وأنا مش عارفة أعمل إيه كل الناس جنبي محدش سايبني لكن هو صعبان عليا، وبيفضل نايم من المضاد الحيوي، وبشكر كل زمايلي اللي كلموني علشان يطمنوا على ابني.
مرض نجل ميار الببلاوي
وعن تفاصيل حالة نجلها الصحية قالت ميار الببلاوي في تصريحات سابقة: ابني في المستشفى يعاني من ارتفاع في درجة الحرارة، والدكاترة مش عارفة تحدد ده إيه، بتقول إن عنده حصوة في القناة اللعابية تسببت في انسداد، وعنده نوع بكتيريا مش قادرين يعرفوا من إيه، ونسبة الصديد عالية وبياخد مضاد حيوي ودرجة الحرارة بترفع أوي بقاله 4 أيام بيتألم.
وأضافت: دخلته مستشفى الجامعي وجبتله 17 دكتور، وكل واحد بيكون تشخيص مختلف ولكن حالته بتسوء ونفس الألم ومفيش تحسن لدرجة إن عينه مش قادر يفتحها من الالتهاب، ولو حالته متحسنتش هسفره يتعالج معنديش غيره، وموجوعة عليه نفسي يبقى كويس وبطلب من الناس كلها تدعي له علشان مليش غيره.
أعمال ميار الببلاوي
يذكر أن ميار الببلاوي شاركت في مسلسل ستات قادرة، الذي عرض عام 2016، وتناول العمل قصة ثلاث سيدات عملن خادمات في تسعينيات القرن الماضي، لا توجد علاقة بينهن، لكن ظروف الحياة تجمعهن في رحلة صعودهن من الصفر وتكوين صداقات، ليكشف المسلسل عن أحلامهن ومشاكلهن.
مسلسل ستات قادرة، بطولة عبير صبري، نجلاء بدر، عادل الفأر، ياسر الطوبجي، والعمل من تأليف وإخراج أحمد عاطف.
