حالة من الجدل الواسع، شهدتها مواقع التواصل الاجتماعي، بعد تداول أنباء تفيد بزواج الفنانة حنان شوقي من الفنان طارق الدسوقي.
من جانبها، نفت حنان شوقي تلك الانباء، وأكدت أنها شائعات لا أساس لها من الصحة.
حقيقة زواج حنان شوقي وطارق الدسوقي
وقالت حنان: “طارق الدسوقي صديقي وأخ عزيز عليا وولاده إخواتي وأصحابي وصديق غالي، وكنا مع بعض في مهرجان بابل قبل الإشاعة.”
وتابعت: “وبالرغم من أني إتسألت عن زواجي من طارق الدسوقي وكتبت في كومنت على صفحتي ونفيت، لكن كانوا مصممين على الإشاعة اللي مطلعينها.”
وفي وقت سابق، تعرضت الفنانة حنان شوقي، إلى انتقادات واسعة من رواد السوشيال ميديا بسبب تصريحاتها بشأن اهتمام الزوجة بزوجها، خلال لقاء تلفزيوني.
وردت حنان شوقي، على الانتقادات التي تعرضت لها من خلال تصريحات صحفية، قائلة:الست المفروض تحمي جوزها وتبوس رجله وهو يحميها ويبوس إيدها ورجليها، وأنا بقول كلمة حق، واللي بياخدوا بسخرية هما حرين، ده حتى الأجانب بيعملوا كده مع بعض، هو للدرجة دي الكره نسانا الاحترام والحب اللي بجد.
وأضافت حنان شوقي: الناس اللي بتقول إيه الهبل ده نفسهم يعيشوا الحالة دي ومش عارفين، أنا بقول حقيقية في الحياة وأقسم بالله أنا شفت أمي بتعمل كده مع أبويا وأنا عملت كده مع جوزي، والحكاية متبادلة مع بعض الاتنين بيحترموا بعض وبيشلوا بعض.
وأردفت حنان شوقي: ليه الناس مش قادرة تستحمل الحقيقة وجواهم عارفين إني بقول الحقيقة وعزة جلال الله كل الناس عارفة إني بقول الحقيقة، لكن اللي بيتكلموا عاشوا تجارب مريرة من أشخاص مريضة نفسية والزوج يبوس إيد مراته ده بروتكول الراجل مع الست.
اقرأ ايضا:
