فاشل في الثانوية العامة بامتياز لكن الأن من أكبر رجال الأعمال ليس في مصر فقط، لكن في العالم كله ، وأكبر الجامعات العالمية تجعله يقدم محاضرات للطلبةحتى أنه أصبح صديق الرؤساء والملوك.
لكن إزاي يسقط في الثانوية العامة ويبقى ملياردير معاه 5 دكتوراة كمان ؟ وياترى جمع ثروته دي كلها إزاي؟ وحجم ثروته كام دلوقتي؟
نتيجة الثانوية العامة بقت دلوقتي الترند رقم واحد في مصر وده لان كتير من الناس بيعتبروها تحديد مصير، بس الحقيقة الثانوية العامة مش سنة تحديد مصير ولا حاجة وده لأن بعض كبار المشاهير وأغنى أغنياء العالم مكملوش تعليمهم أصلا
بس لو أنت مش مصدق يبقى تستنى وتسمع قصة عناني الجلالي، لكن ياترى مين عناني الجلالي ده؟
بص يا سيدي، عناني الجلالي ده يعتبر من كبار رجال الأعمال وعنده أكبر سلسلة فنادق عالمية أسمها فنادق هلنان، رغم انه سقط في الثانوية العامة أكتر من مرة إلا أنه بقى دلوقتي من كبار رجال الأعمال العرب في الدنمارك وصديق لملوك ورؤوساء الدول
والغريب بقى أنه قال في تصريحاته لروز اليوسف، إن أحب لقب لقلبه هو لقب راسب الثانوية العامة
ده قال كمان إن دايما كان بيحس بالغربة وسط عيلته في كل مرة بيسقط فيها في الثانوية العامة لأن عيلته مش بتعترف بحاجة أسمها رسوب بس لما فقد الأمل في الحصول على الثانوية العامة قرر أنه أسافر في مركب سياحي وكان معاه وقتها 10 جنيه استراليني بس لحد ما وصل للنمسا عشان كده قرر يبيع جرايد بس بعد ما ولده عرف إنه في النمسا سبها وراح للدنمارك واشتغل هناك غاسل صحون
وبالمناسبة عناني مكنش يعرف يتكلم إنجليزي ودي طبعا كانت أزمة كبيرة بالنسباله، بس قال أنه كان بيقسم وقته لـ3 أقسام بين شغله والحصول على دورات تدريبية و مشاهدة أفلام أجنبية وبالفعل قدر أنه يتعلم اللغة الانجليزية من ترجمة الأفلام
وحسب جريدة الوطن، بعد ما عناني أشتغل غاسل صحون قرر أن يطور من نفسه لحد ما بقى صاحب سلسلة من أكبر السلاسل الفندقية على مستوى العالم، مش بس كده ده كمان حصل على الدكتوراه الفخرية 5مرات يعني بقى دكتور من غير ثانوية عامة
مش بس كده ده خد كمان وسام العلم الدنماركي وتولى منصب رئيس مجلس المستشارين للاتحاد الدولى للجامعات فى العالم، والسفير التاريخى للعلاقات الدنماركية بالشرق الأوسط
بس هو عناني اتشهر امتى بالشكل ده؟
حسب موقع فورتشن العربية، إن بداية شهرت عناني كانت لما واحد من الصحفيين المعروفين شافوه واستغرب من وجود شاب عربي نائب مدير فندق كبير ولما حكى قصته للصحفي ده بدأت الصحف تتكلم عنه لحد ما بقى رئيس سلسلة فنادق البيت الأبيض وأطلقوا عليه أشهر غاسل صحون في العالم لكنه متكسفش من اللقب ده
وبدأ في تأسيس أول شركة ليه برأس مال 20مليون كرونة دنماركي ودلوقتي عناني وسع حجم استثمارته وبقى عنده 40 فندق قيمتهم بتتجاوز مليارات الدولارات
ودلوقتي قولنا لسه شايف إن الثانوية العامة هي اللي هتحدد مستقبلك؟
