ظهرت وهي ترتدي جيبة قصيرة وترقص بحركات جريئة مع شاب على التيك توك..وتعرضت لهجوم كبير من الجمهور بعد نشرها للفيديو ، ولا أحد مستغرب الكل يقول هذا الطبيعى يكون تصرف بنت فنانة .
ريتاج نبيل بنت إيمان العاصى قلبت الدنيا الفترة الأخيرة ..والغريب إنها فجأة تصدرت التريند لا حد كان يعرفها ولا يسمع عنها ..
ليه ريتاج عملت كده؟ ومين الشاب اللى بترقص معاه؟هل أمها موافقة على تصرقاتها دى؟ مش هتصدق اللى بتعمله فى سنها ده!
من بعد تصدر إيمان العاصى الفترة الأخيرة التريند بعد نجاحها فى دور دلال في مسلسل جعفر العمدة ..والكل إبتدا يتشد لحياتها الشخصية اللى مكنش حد يعرف عنها حاجة ..
إيمان العاصى الفترة الأخيرة بدأت تظهر بنتها معاها فى الإعلام وعلى السوشيال ميديا ..وتعرف الناس كلها بها وتعمل فيديوهات معاها على التيك توك قلبت بيهم السوشيال ميديا ..
ده فى الأول كان باسط الناس وكانوا متفاعلين معاها وحابين يشوفوها..لكن اللى بيزيد عن الحد بيتقلب للضد على طول ..وكتر الظهور عمال على بطال لبنت فى السن الصغير ده حاجة مش كويسة علشان كده لما ظهرت بترقص مع ولد ولابسة لبس جرئ الكل هاجمها والدنيا قامت عليها هى وامها ..
المفاجأة اللى كتير ميعرفهاش ..إن الولد اللى ظهر بيرقص معاها هو خالها ..وصغير فى السن عنده 18 سنة! وقريب من ريتاج وإمها جدا.
إيمان بتعتبره إبنها الكبير وهو الهدية اللى أبوها جابلها بعد سنين فرق سن كبير بينهم..وسبق وإستضافته الإعلامية منى الشاذلى فى حلقتها مع إيمان العاصى وبنتها ريتاج.. ولإن كتير ميعرفش صلة القرابة ف ده كان سبب الهجوم على ريتاج إيمان ..
أيمان العاصى دايما مش تهتم بالإنتقادات اللى بتتعرض لها .. فما بالك لما تكون حاج بتتعلق ببنتها؟ اللى بتعتبرها صاحبتها لدرجة إنها رفضت إنها تتجوز بعد إنفصالها علشانها..
وقالت: بنتى بتحس بيا بشكل مش طبيعى ..هى احن حد عليا فى الكون ..وأصدق حد فى حياتى ..أيمان مش بتخبى حاجة على بنتها وبتحكى لها كل حاجة ممكن تحكيها لأى صديقة لها ..ولما تكون معجبة براجل بتقول لبنتها وكإنها عندها 30 سنة ..
إيمان حكت لبنتها إنها حبت مرتين بعد الإنفصال ولكن موصلتش لإرتباط رسمى لإن واحد فيهم طلع كداب والتانى علشان خاطر بنتها رغم إنه كان فى كل المواصفات اللى بتحلم بها فى شريك حياتها ..
هى إتفقت هى وبنتها مش هيتجوزوا ..ومش لازم بنتها تتجوز يكفى إنها تشوفها ناحجة ومبسوطة فى حياتها ..لانها كان لها تجربة زواج إستمرت شهرين بس وإنفصلت وهى حامل فى بنتها ومكانتش تعرف
إيمان العاصى فى لقاءات لها كتير أكدت إنها بيجيلها عروض جواز كتير ولكن هى بترفض ،وخايفة تخسر حضانتها لما تتجوز..خاصة إنها مش جاهزة للجواز دلوقتى ولكن فى نفس الوقت نفسها فى حد صديق لها ويكون قريب منها .
ريتاج بنت إيمان العاصى لسه فى أولى أعدادى ..وخطفت قلوب الجمهور بظهورها بسبب التشابه الكبير بينها وبين والدتها وقالوا إنها فولة وإتقسمت نصين..
بعض الناس شايفة إن كويس إن تكون علاقة صداقة بين الأم وبنتها،بس مش لدرجة إنها تكبرها سنين على سنها بحكايات ومشاكل وعلاقات أكبر منها..وإن تسيبها تعيش سنها الصغير ومتكبرش قبل أوانها ..إنتوا بقى مع ولا ضد الرأى ده وهل ممكن ريتاج لما تكبر تغير رأيها وتتجوز ولا هتعمل زى أمها وتصرف نظر عن الجواز؟
