الفنانة حلا الترك.. لقت نفسها طفلة وسط أسرة مليئة تفكك فجلتست فترة عند والدها وزوجته، وجلت فترة عند أمها التي استلت على اموالها.
لحد ما سابت الكل وهربت وراحت لدكتور نفسي عشان تتعالج وتقف على رجلها.. حكايات وأسرار ومواقف كتير في حياة الفنانة الشابة مش سهل أي حد يعديها.
لكن ليه حلا الترك سابت أهلها وهربت وقاعدة فين دلوقتي وبتعمل إيه وإيه المفاجآت اللي ورا كل الأزمات اللي حصلتلها دي؟.. وليه أمها لهفت فلوسها من وراها وإزاي أبوها عاش لنزواته مع الستات ونفضلهم؟ وإزاي جدتها أم أبوها هي أوس البلاوي كلها؟.. خليكوا معايا في الفيديو ده هقولكم صندوق أسرار حلا الترك.
الطبيعي لأي طفل إنه يطلع وسط أسرة بتخاف على بعضها ولا يعاني تفكك ولا ليه دعوة بخلافات أصله مش جاي الدنيا يشيل ذنب اختيار سيء لأبوه وأمه لكن اللي حصل مع حلا الترك كان عكس كده لدرجة إنها مكانتش عارفة تلاقيها منين ولا منين لا أبوها عاوز يتفاهم ويتنازل ولا أمها قادرة تواجه وعاشت متكتفة عشان محدش بيبعتلها فلوس.. واللي زاد الطين بلة إن جدتها كمان مكانتش حنينة عليها دي طلعت هي ورا كل اللي حصلها أصلا والمعاناة بقت أكبر.
بعيد عن الموهبة
بعيد عن موهبة حلا الترك وإنها دلوقتي مطربة معروفة للجمهور رغم إنها لسه صغيرة لكن من وهي طفلة أبوها المنتج محمد الترك قرر يجيب ضُرة لأمها منى السابر واللي كان مخلف منها حلا وعبدالله ومحمد لكن نزواته وعينه الزايغة خلته يتجوز الفنانة المغربية دنيا بطمة على مراته وساب ولاده مع أمهم اللي اتهمت بطمة إنها لهفت جوزها وأبو ولادها منها.
ومع الوقت طلبت الانفصال وفعلاً ده حصل قام الترك خد منها ولادها بالعافية وعاشوا معاه لحد ما منى السابر رفعت فضية عشان تاخد حضانة ولادها والكلام ده كان سنة 2017 ومن وقتها حلا اتذبذت نفسياً واتأثرت بكل اللي حصل طبعاً أصل أبوها مسكتش ورفض يبعت فلوس نفقة لأمها.
سياسة التحريض
قولتلكم إن جدة حلا الترك كانت هي أوس البلاوي كلها ومها الترك جدة حلا قعدت تحرض العيال على أمهم وقام محمد الترك رفع قضية عشان ياخد حلا تعيش معاه هو ودنيا بطمة ومعاهم جدتها مها الترك وده عشان عدت السن اللي تقدر فيه تاخد قرار وعشان التحريض إياه اتنفذ المخطط صح وساب الترك طليقته وولاده الصبيان مع أمهم ومبعتش لا نفقة ولا غيره ولبست منى السابر في الحيط والخلافات زادت لكن اللي بيدفع التمن هما الولاد وتحديداً حلا الكبيرة اللي عانت من أزمة نفسية ومش عارفة تعمل إيه.
الأم لهفت الفلوس
وبسبب إن محمد الترك مسقع ودانه ومش عاوز يدفع اللي عليه كانت منى السابر عارفة حساب بنتها في البنك راحت ساحبة فلوس عشان تصرف على عيالها وياكلوا ويشربوا وقالت لما تجيلي فلوس النفقة أحط دي مكان دي ولو محطتش أهي في النهاية دي فلوس بنتها.
بس اللي حصل إنهم اتهموها بخيانة الأمانة وحرضوا حلا ضد أمها عشان ترفع قضية والناس وقتها غسلت حلا وشطفتها وعسرتها وعملت معاها الصح لحد ما قررت تبرأ نفسها وتكشف أوس البلاوي وقالت أنا معدتش السن عشان أرفع قضية زي دي والجمهور فهم التيتة بقى وإن حلا بريئة من اللي بيحصل.. بس منى السابر اتحكم عليها بالحبس عشان دي تعتبر في القانون خيانة أمانة واتدخل فنانين في الموضوع عشان يلموا الفلوس لمنى وتخرج من الموضوع بس بعد ما كانت خدت حكم عشان المبلغ كان كبير حبتين.
نزوات مبتخلصش
وعشان محمد الترك نيته مش سالكة باين عليها كمل في نزواته مع الستات وهو متجوز دنيا بطمة اللي كشفت نزوته مع واحدة تانية ورفعت قضية عليه واتقبض عليه وشوية وخد إخلاء سبيل بس هي حالفة تسجنه ومش هتسكت.. وده اللي خلى محمد الترك يطلع يعتذر وهي مقبلتش أي كلام منه.
لكن حلا بقى بعد ما كبرت شوية وخلصت ثانوية قررت تروح لدكتور نفسي عشان تتعالج وفعلاً ده اللي حصل وبقت تمام وخدت بعضها وطلعت على دبي وقالت يا فكيك ومش عايشة مع حد من أهلها لا أبوها ولا أمها واللي موجودة في دبي عمتها اللي بتراعيها وواقفة جنبها.
وده عشان قررت تدرس مجال تصميم الأزياء جنب شغلها في الغنا وكل فترة بتنزل بأغنية جديدة ومتفاعلة مع الجمهور على السوشال ميديا لحد ما تخلص دراستها وتشوف اتجاهها رايح على فين.
تفتكروا حلا الترك عدت أزمة أهلها دي فعلاً ولا لأ؟ ولو حد مكانها كده هيسيب الدنيا ويهج ولا هياخد قرار تاني؟ اكتبولنا آرائكم في التعليقات.
