أسعار الفراخ ستنخفض وتعود كما كانت في الماضي، وليس الدجاج فقط ولكن أسعار البيض أيضا فماذا حدث ؟ تابعونا لمعرفة التفاصيل والمفاجأت.
ولسة الفراخ ماشية في طريق إنخفاض الأسعار، ده كمان البيض اللي كان سعره غالي بسبب جشع التجار في طريقة إنه يرخص كده ويهدي شوية ..
طب ياتري ايه اللي حصل ؟!
اللي حصل إن وزارة الزراعة كشفت عن الإفراج عن 284 ألف طن من الذرة وفول الصويا بحوالي 141 مليون دولار خلال الفترة من 4 حتى 17 أغسطس الجاري.
وحسب صدى البلد، إجمالي ما تم الأفراج عنه خلال الفترة من (16 أكتوبر2022 لغاية 17أغسطس 2023) هو 7.2 مليون طن منهم 5.2 مليون طن ذرة ، 2 مليون طن فول صويا وإضافات أعلاف وذلك يعني إجمالي المبلغ 3.4 مليار دولار.
وعليه تراجعت أسعار أعلاف الدواجن لأقل من 20 ألف جنيه بعد 30 ألف جنيه للطن أو اكتر شوية قبل أكتوبر الي فات
وطبعا ده اللي خلي الدواجن اتراجعت أسعارها النهاردة وبقوة ، بحيث إن يبدأ سعر كيلو الدواجن البيضاء من 54 جنيه بعدما سجلت 75 جنيه بعد عيد الأضحى اللي فات
وكمان من فترة كان السبب الحقيقي ورا انخفاض الاسعار هو موجه الحر الشديده ..
و من ضمن الأسباب برضه هي قلة إقبال المواطنين علي شرا الدواجن، وغير كمان صيام اخوانا المسيحين وده سبب كافى يخلي المعروض من الفراخ في الزيادة مع انخفاض سعرها.
كمان مبقاش فيه التشديد الجمركي اللي كان مستمر علي الاعلاف زي اللي كان موجود قبل كده.
وده اللي وضحه قبل كده، سامح السيد رئيس شعبة الثروة الداجنه في الغرفة التجارية بالجيزة وفال كمان
إن أسعار الدواجن هتتراجع أسعارها الفترة الجاية في الأسواق وبشكل ملحوظ وده بسبب استقرار الأسعار اللي خلى فيه توازن بين العرض والطلب مع توافر المعروض من الدواجن في الاسواق واهو كلامه اتحقق زي ماقال بالظبط ..
طب ياترى أسعار الدواجن بكام دلوقتي بعد مانزلت ؟!
سعر كيلو الفراخ البيضاء: بيبدأ السعر من 53-54 جنيه في المزرعة، و57 جنيه وممكن يوصل لى 68 جنيه للكيلو للمستهلك أو يزيد شوية في بعض المناطق.
اما بخصوص اسعار البيض :
فسعر كرتونة الأبيض 113 جنية ، بعدما وصل 119 جنيه
– وبتتباع كرتونة الأبيض للمستهلك كبداية من 119 جنيها
– أما كرتونة البيض البلدي فحوالي 122 جنيه .
طب هل الأسعار ممكن ترجع تغلى تاني ؟!
قال الدكتور عبد العزيز السيد رئيس شعبة الدواجن باتحاد الغرف التجارية، إن إستمرار الإنتاج هو السبب الرئيسي لااستقرار الأسعار خلال الفترة الحالية.
ووضح أكتر وقال عبد العزيز خلال مداخلة هاتفية برنامج ” علي مسئوليتي” علي قناة “صدى البلد”،:” إن سوق الدواجن في استقرارا ملحوظ في الأسعار، وده في ظل توفير الحكومة الكميات المطلوبة من الأعلاف للمزارع الداجنة.
لكن نوه برضه وقال عبد العزيز السيد رئيس شعبة الدواجن، إن استمرار استيراد الذرة الصفراء مهم جدا بالنسبة لإنتاج الدواجن، لأنه بيؤمن قطاع الدواجن من حيث كميات الأعلاف وتوازن السعر، خصوصا مع ضعف الإنتاج المصري من محصول الذرة.
وانت قولنا الفراخ عندك بكام النهاردة هستنا رايك في التعليقات
