تم الإعلان مؤخرًا من قبل وزير العدل عن أنه لن يوجد عدم وجود تصالح ولن يوجد منزل سيتم هدمهمرة أخرى. هذا يتعلق بالقانون الجديد للبناء. بالإضافة إلى ذلك، تم الكشف عن مزيد من التفاصيل حول القانون الجديد.
بس يا ترى وزير العدل قال ايه تاني؟ وليه القانون اتأخر لحد دلوقتي؟ وايه تفاصيل القانون ده ؟ وامتى هيتم إصداره؟
هو قانون البناء هيطلع امتى؟ ده السؤال اللي بيسأله كتير من الناس دلوقتي عشان يقننوا أوضاعهم بعد ما القانون اتأجل أكتر من مرة من غير سبب واضح
وده خلى المسئولين يطلعوا كل فترة والتانية يوضحوا سبب التأخير ده، كان آخرهم تصريحات وزير العدل اللي وضح تفاصيل المشروع الجديد، بس يا ترى قال ايه؟
شوف يا سيدي، حسب تصريحات عمرو مروان وزير العدل خلال برنامج على مسئوليتي، أن وزارة العدل والحكومة انتهت من قانون التصالح وهيكون موجود في دور الانعقاد المقبل في مجلس الشعب في شهر أكتوبر
وقال إن القاعدة العامة في قانون التصالح الجديد أن كل مواطن هيكون قدامه فرصة لتقنين المخالفة، سواء بسداد نسبة الـ 25% كمقدم لجدية التصالح أو لو لسه مسددهاش لحد دلوقتي
لكن مش معني كده ان القانون مش هيكون ليه ضوابط وده لأن هيكون فيه تاريخ محدد لقبول التصالح على المخالفات، وقال إن مفيش واحد هيقول أنا مليش مجال إني أتصالح
ده كمان طمن الناس وقال إن الباب هيتقفل قدام أي محاولة لهدم منزل أو شقة، عشان كده الفرصة هتكون قدام الجميع وأنا مسؤول على اللي بقوله
وحسب تصريحات سابقة للنائب محمد عطية الفيومي، عضو لجنة الإدارة المحلية بمجلس النواب،في برنامح صالة التحرير، أن بعد ما الحكومة قدمت قانون تصالح البنا، تم تحويله للجنة الإسكان بالنواب، وتم الموافقة عليه لأنه فيه مزايا كتير لكن للاس تم سحب القانون من غير أي سبب
وقال كمان أن الحكومة عليها تعديل اللائحة التنفيذية للسماح للمواطنين بالبنا حسب الشروط اللي هتحطها، لأن مجلس النواب مش مسئول الحكومة هي المسؤولة عنه في المقام الأول
أما النائب إيهاب منصور عضو مجلس النواب كشف لقناة الحدث اسباب تاخير القانون، وقال إن مجلس الشعب من السهل أنه يصدر القانون ده بسرعة لكن المشكلة أنه مش عايزينه يكون قانون فاشل زي اللي قبله، عشان كده بيتم مناقشته لتجنب اي مشاكل او عقبات تواجه المواطنين وده الصعب اللي بيقابلنا في القانون ده.
وقال كمان أنه اتقدم بقانون تصالح متكامل، لكن في حالة صدور القانون من غير حل مشكلات الأحوزة العمرانية، مشكلات المباني اللي خارج الحيز العمراني، ومشكلات المباني اللي ملهاش جراج، هيكون فيه أزمات كبيرة.
وده لأن فيه اكتر من 95% من المباني اللي داخل الحيز العمراني من غير جراجات عشان كده لازم نحل النقطة دي
ده حتى الاعلامي عمرو اديب طلع في برنامجه الحكاية وقال إن قانون البنا ده هيدخل للبلد 100 مليار جنيه على الاقل والناس بتجري ورا الحكومة عشان يدفعوا ويتصالحوا
وقال إن الموضوع كله هتلاقيه واقف عند موظف حكومي لانه مفيش مبرر للتأخير ده
ودلوقتي قولنا رايك في قانون البنا الجديد؟
