فنانات كثيرة ضاع حلم الامومة منهم، سواء لسبب مرضي، أو لانهم هما الذين اخذوا هذا القرار ، لكن في ناس كثيرة منهم ندموا على هذا.
والفترة ديه الفنانة حورية فرغلي بتمر بأزمة مرضية .. و ده بعد ما عملت عملية استئصال الرحم عندها .. بسبب وجود ورم فيه .. واحنا قررنا نتكلم معاكم النهاردة ونشوف مين تاني من الفنانات اتعرضت لموقف زي ده و مين اللي اخدت قرار انها متبقاش أم بارادتها .. و هل ندموا ولا لا .
ظروف كتيرة اتعرضوا ليها الفنانات في الوسط الفني .. خلتهم ميبقوش امهات .. زي انهم يكونوا عندهم مانع مرضي .. او انهم عملوا عملية لاستئصال الرحم .. زي الفنانة حورية فرغلي .. و اللي لسه عاملة العملية ديه .. و ده بسبب وجود ورم فكان لازم تعملها .. واللي انتشرت ليها صورة بعد خروجها من العمليات .. و أكد مدير أعمالها انها أحسن دلوقتي .
والحقيقة ان الفنانة حورية فرغلي كانت أعلنت قبل كده في حوارات صحفية ان فرصتها انها تكون أم بتبقى صعبة كل سنة عن التانية .. و انها لازم تعمل عملية و تشيل الرحم .. وده لان عندها مرض وراثي وهو اللي بيسبب الورم .
وممكن تكون حورية فرغلي من نجوم دلوقتي او الزمن ده المرض هو العائق ليها .. بس في فنانات اختارت بمحض ارادتها انها متبقاش أم .. و ده لحبهم الكبير للفن ..و ده لانهم بيشوفوا ان الفن ده زي النداهة .. اللي بيروحلها بيفضل هناك .. و بينسى أي حاجة تانية .. و انهم علشان التمثيل أو الغنا اتنازلوا عن حاجات كتير اوي .. سواء في حياتهم الشخصية .. ولا حتى العملية .. المهم انهم يوصلوا للهدف اللي هما عاوزينه .
زي الفنانة نبيلة عبيد و اللي قررت بنفسها انها مش عاوزة أولاد .. رغم انها اتجوزت كذا مرة .. و في كل مرة مكنتش بترضى انها تجيب أولاد .. و دخلت في مشاكل كتير مع والدتها بسبب انها كانت عاوزاها تخلف .. و نبيلة مش عاوزة ..
وقالت في مرة انها كانت بتقيس وسطها بالسنتيمتر.. و كانت شايفة ان الخلقة هتأثر عليها بشكل كبير .. لكن ندمت بعد ما العمر جري .. و قالت انها كانت محتاجة ل ابن او ابنة الوقت ده بكون معاها .
وفي كمان الفنانة الهام شاهين ..واللي قالت في برنامج تليفزيوني انها اجهضت نفسها كذا مرة، و ده لانها مكانتش عاوز تجيب أطفال .
و بتخاف من مسئوليتهم .. ورغم انها اتجوزت كذا مرة الا انها فضلت مصممة على رايها انها مش عاوزة أطفال .. وانها ركزت كل حياتها للفن .. وقالت قبل كده انها مستمتعة بحياتها مع ولاد اخواتها .. و هما معوضني عن كل حاجة.
اما اللي قصتها شبه قصة الهام شاهين شوية .. الفنانة يسرا .. واللي أخدت قرار انها مش هتكون أم هي و جوزها خالد صالح سليم .
والقرار ده جيه بالتفكير أكتر من جوزها انه مش عاوز يكون في اطفال لانه هيخاف عليهم من المجتمع و من اللي بيحصل .. يسرا في الاول مكانتش مقتنعة .. بس بعد كده اقتنعت بوجهة نظره .
اما الفنانة سمية الخشاب .. مكانتش معترضة انها تجيب اولاد .. مع انها اتجوزت أكتر من مرة .. و قالت قبل كده انها حاولت كتير في حوار الخلقة بس متعرفش السبب ايه .وانها بتتمنى تجيب بنت ..و تسميها مريم .. الا انها بعد ما انفصلت عن أحمد سعد متجوزتش تاني ..
ولو اتكلمنا عن فنانات الزمن الجميل .. فالنجمة شادية حاولت كتير انها تكون أم .. كان في كل المُرة البيبي بيحصل ليه اجهاض.. وده دخلها في حالة نفسية وحشة و اكتئاب .
والفنانة سهير رمزي اتجوزت ٩ مرات .. و بالرغم من كده انها رفضت انها تخلف .. وده لانها كانت مرتبطة بوالدتها جدا .. و بسبب كمان ان حصل الانفصال بين اهلها .. وده علشان انه سبب عندها عقدة .. وخوف من ان والدها يتعرضوا لاي موقف هي شافته.
اما الفنانة لبلبة اللي بعد انفصالها عن الفنان حسن يوسف .. قررت انها مش هتتجوز تاني و هتفضل عايشة حياتها للفن ده والفنانة عايدة رياض اللي اتجوزت مرة واحدة و هي من الفنان محرم فؤاد و بعد رحيله متجوزتش تاني ..
و في فنانات تانية كتير ندموا على انهم لغوا القرار ده من حياتهم .. وانهم دلوقتي بيتمنوا يرجعوا بالزمن علشان مايخدوش القرار ده .. ويستمتعوا بحياتهم عادي.
