حلت الفنانة عايدة رياض، الساعات الماضية، ضيفة في برنامج “واحد من الناس” مع الاعلامي عمرو الليثي، والذي كشفت فيه عن العديد من أسرار حياتها الخاصة.
وخلال اللقاء كشفت الفنانة عايدة رياض، كواليس تصوير مشاهدها مع الزعيم عادل إمام خلال فيلم “اللعب مع الكبار” وذكرياتها مع فيلم الكيت كات.
عايدة رياض تفجر مفاجأة عن مشاهدها مع عادل إمام
وقالت عايدة رياض:”مشهدي مع عادل إمام لما كنا احنا الاتنين بنضرب بعض المخرج شريف عرفة أخده مشهد واحد، والمشهد ده كان ضرب نار ولا يمكن ينسى”.
وتابعت: ” وأنا بعمل بروفة قبل التصوير عادل إمام قال لي خلي بالك واضربي على الهوا ورجلك بس تتفرد مش نضرب شالوت في الجسم”.
وأضافت: “واشتغلنا في تصوير مشهد البوس وبعدين لقيته بيضرب بجد وأنا كنت بقى رياضية رُحت قايمة واديتله بالروسية وعملت مجهود علشان أضربه بالرأس وفعلًا الضرب كان بجد لدرجة إنه قال لي يا بنت اللذينا وبعدين حطني على الترابيزة وبعدها كان فيه تقطيعات”.
وأكملت: “الكيت كات فيه بوس وبيقولوا فيلم إغراء والعمل عايش لإن داوود عبد السيد كان يجي لي يفهم لي الفيلم وأبعاده كلها ويقول لي شريف منير دا حب حياتك وعايز أحس إنك بتحبي قلت له حاضر “.
وتابعت: “وقال لي عايز واحدة بتحب حد وبتتمناه وفيه حاجات فرشها لهذا الموضوع وقال لي لما تبوسي شريف منير أنتِ فعلًا بتحبيه بجد”.
