روبي ظلت ترقص في السعودية طوال حفلها.. الجمهور كان يملأ المسرح ولم يعرف أن ينام ننة وظلوا يصقفوا لها وهي تقول لهم حبايبي الحلوين.
لكن روبي اللي قضتها هز زي العادة كان في مفاجأة في شكلها وهي على المسرح في جدة لدرجة إن الناس استغربت.. طيب إزاي وزنها زايد عن اللي الجمهور عارفه عنها؟ وليه اتعرضت للهجوم؟.. خليكوا معايا في الفيديو ده هقولكم تفاصيل الحكاية.
المفروض إن روبي الفترة دي عايشة نشاط فني كبير وعملت حفلات كتير جداً والجمهور خد على إنها تبقى مغنية ورقاصة على المسرح وهي بتعرف تدخل للجمهور وتعمل الشو صح الصح.. لكن في السعودية الموضوع غير وراحت المرة دي على جدة وهي في أحلى نجاح بعد ديو يا ليالي مع النجم أحمد سعد اللي هو التاني نجاحه ملفت للنظر الفترة الأخيرة وبقى الطلب عليه عالي أوي.. روبي غنت بمزاج وطلتها كانت شياكة وأناقة فعلاً وفستانها كان حلو.. بس لازم كل حفلة لروبي يكون وراها حكايات.
الفستان الأزرق
لبست الفستان الأزرق اللي هياكل منها حتة وقالت للجمهور صباحين وحتة وقعدت تغني لحد ما اليوم الجديد بدأ كمان.. روبي بتحب الجمهور السعودي وغنتلهم كل الأغاني اللي نفسهم فيها.. واللي كان لافت هو تفاعل الجمهور وحضوره الطاغي جداً.. وكلنا عارفين الجمهور السعودي الذواق وعشقه للنجوم المصريين ويا سلام بقى لو كانت روبي.. بس فستان روبي الأزرق كان فيه فتحة كبيرة من الجنب الشمال وكمان هي خلته كتف وكتف ومع الرقص والحركات بقى الدنيا ولعت نار والجمهور معرفش ينام نننة.
وزنك زيادة ليه؟
الجو كان حلو والجمهور وروبي كانوا أحلى وكملوا بعض روبي عليها تغني وترقص والجمهور يسقف وحضر الحفلة دي 6 آلاف واحد.. وروبي غنت ليه بيداري ونمت ننة ومع السلامة باي باي وغيرهم كتير من أغانيها المعروفة.. بس شكل روبي كان مفاجأة في الحفل عشان وزنها كان زايد ومحدش عارف ده أكل زيادة وبوظت الريجيم بتاعها ولا اختيار الفستان هو اللي خلاها مليانة شوية.. بس ده ممنعش روبي تقدم حفلة ولعت بيها الدنيا مع الجمهور.. طبعاً دي أول حفلة لروبي في السعودية ويمكن العدد الكبير ده كان مفاجأة لروبي بس ده بيوضح إنها ليها جماهيرية كبيرة في المملكة والناس كانت بتردد أغانيها فعلاً.
سبب الهجوم
المفروض إن مش كل الناس هيعجبها الفنانين اللي بيعملوا حفلات في السعودية ولو عجبهم الفنان لازم يكون في تعليق أو انتقاد على حاجة معينة سواء في الطلة بتاعته أو كلامه أو أي حاجة تانية.. وعشان كده فستان روبي اللي كان مفتوح والناس قالوا عليه ده مكشوف ومكانش عاجبهم قالوا إن اللبس مش تمام ومحدش علم روبي تلبس قبل ما تطلع المسرح وقالوا على. اللبس ده مقزز وعامل تلوث بصري وصل لجرح المشاعر
مش عارفين إيه الكلام الكبير ده بس أهو ده اللي اتقال وكان لازم تعرفوا ليه الهجوم على روبي كبير كده.. بس معلش يعني هو محدش عارف روبي وحفلاتها ورقصها على المسرح اللي بيتعمل كل حفلة ولا اللي عملته ده جديد مثلاً؟.
إيه رأيكم في إطلالة روبي وشايفين وزنها زيادة فعلاً ولا الفستان هو اللي مبينها كده وهي اختيارها سيء؟ اكتبولنا في التعليقات.
