لما تلاقي أشخاص كتير بيقولوا إنك متنفعش تبقى حاجة كويسة ولا عمرك هتبقي، ده علشان البني آدم بيجيلوا عقده من الناس لأنه مش بيشوف حد حلو ولا هو محبوب، بنعمل حاجات كتير غلط، بس البني آدم مخلوق من طين لو كان اصغر أو اكبر لكن الأصغر ده هيكبر على أنه مش محبوب.
مينفعش يقعد مع حد علشان محدش يقول عليه غبي أو مبيفهمش زي ما إللي معانا وقريبين مننا بيقولوا، هتخاف تقعد مع حد أو تتكلم، وهتقول لنفسك يمكن إحنا غلط زي ما بيقولوا بس مش كل ما بنعمل حاجه بنتحاسب عليها ونتعاقب بيها.
كل ده غلط وعمره ما هينفع ولا هيعمل حاجة، الإنسان عنده تفكير وعنده شخصية وعنده طبع وعمره ما هيقدر يتغير، والطبع عمره ما بيتغير للأحسن دايما لو جيت تغير طبعك هتلاقي بيتغير للأوحش.
دي الحياة إللي احنا بنعيشها، دايما الأهل بيبقوا أول عقده فى حياتنا لأن تربيتهم لينا ساعات بتكون غلط، بس عمر ما أب أو أم شافوا أن معاملتهم غلط، عاوزينك تشيل مسؤولية زي ما هما عايزين، وقتها بنحس أننا مينفعش نقول كلمه ونبقي مش قدها، طب ليه بنشوف في الأفلام الأهالي متفقة مع أولادها وبيتعاملوا معاهم كويس!؟.
دايما الإنسان مش عاجبه حياته بس فى حاجات وحشه أوي ف حياة كل واحد ودايما ببقي شايفه أن حياتنا واحده هي هي.. بس بتختلف فى طريقة الأسلوب.
