رد مطرب المهرجانات الشعبية عمر كمال، على منتقدي ظهوره بسيارات فارهة، خلال الأيام الماضية مع حسن شاكوش وحمو بيكا.
وقال عمر كمال، في مقطع فيديو نشره عبر حسابه الرسمي، بموقع تبادل الصور والفيديوهات إنستجرام، :لما كنت شغال في بنزينة كنت بجمع الجنيه والاتنين جنيه التبس بتاعي عشان مكنش ليا قبض، وشغال بالتبس بس، ولما كان بيخش عليا عربية ماركات عالية مبقلوش أمه اللي جيبهاله وبقول الحمد لله، اشمعنا أنا؟
وتابع: أنا بنجح، أفضل وسيلة للانتقام النجاح، عشان اللي يقلل مني ميعرفش يطولني ويشوفني من بعيد يقول إنه كان يعرفني في يوم من الأيام، أنجح عشان في قلوب عايزك تفرحها، وعيون لازم تكسرها، الحياة مش عايزه الضعيف ولا الشكاي ولا النداب، الحياة بتجري.. أنجح.
سبق وروى عمر كمال، كواليس أصعب اللحظات التي مر بها، بسبب تعرضه لصدمة في المقربين منه، هذا بجانب مروره بمواقف قاسية، نتج عنها تناوله المهدئات حتى يستطيع النوم، كما أوضح أن هناك أيامًا مرت عليه كان يظن فيها أنه سيموت قريبا، وأن الحياة قد انتهت بسبب كثرة الحزن والصدمات التي تلقاها في مشواره، قائلا: اللي قلبه حلو الناس في الأرض تحفر له وربك من فوق ينجيه، أنا مش بقع لأني ساند على ربنا، وعدت عليا أيام قلت فيها مش هصحى من كتر الحزن، كنت بنام بالمهدئات وأقعد في العربية ساعة أفكر الناس دي عملت فيا كده ليه، كنت بقوله ليه اللي منك كان عايز يخلص منك.
اقرأ أيضًا: ابنة انتصار تثير الجدل بالعباءة البدوية في أحدث ظهور لها.. شاهد
