مكسبها بالدولار والعائد خيالي، إن كنت تفكر تستثمر بالدولار بدلا من الجنيه لابد أن تتبايع هذا التقرير لنهايته لأننا سنوضح أكثر من شهادة مكسبهم بالدولار وأحد هذه الشهادات مكسبها في أقل من ساعة من وقت شرائها.
من بعد ما الدولار زاد في السوق في السودا ووصل في يوم من الايام ل70 جنيه، وناس كتير بدأت تستثمر في الدولار وتشيلو في بيوتها لحد ما سعره يرتفع اكتر واكتر
عشان كده البنوك قررت أنها تعمل حيلة عشان تسحب السيولة الدولارية ليها وكمان عشان الناس تكسب اكتر من وراها، وبدأت فعلا تطرح الشهادات الدولارية، وكان من ضمن البنوك اللي طرح الشهادات الدولارية هو بنك مصر والبنك الأهلي، لكن إيه تفاصيل الشهادات دي؟
شوف يا سيدي، البنك الأهلي كان أعلن من فترة عن طرح شهادتين دولارية مدتهم 3 سنين:
الشهادة الدولارية الأولى اسمها «الأهلي بلس»، بعائد سنوي 7%، والعائد بيتصرف بنفس العملة بشكل ربع سنوي، لا ومش بس كده ده انت ممكن تقترض بضمان الشهادة لحد 50% من قيمتها بالجنيه المصري لهدف استثماري.
اما الشهادة الدولارية الثانية فهي معروف باسم «الأهلي فورا» بسعر عائد سنوي 9% بيتصرف مقدم بالجنيه المصري، يعني المكسب اللي هيتصرفلك عن الفترة كلها قيمته هتكون 27%.
بس خالي بالك انت مش هتقدر تقترض بضمانها، وبعد نهاية المدة انت بتستردها في تاريخ الاستحقاق بنفس العملة اللي اشترتها بيها.
ولو بتسال عن سعر الشهادات الدولارية فهي قيمتها 1000 دولار أمريكي، كمان بنك مصر أعلن تقريبا عن نفس الشهادات الاولى باسم «القمة» و«إيليت» بالدولار الأمريكي لمدة 3 سنين
بالنسبة لشهادة «القمة» فهي بعائد 9% سنوي ودي شهادة اسمية للمصريين والأجانب و العائد بتاعها بيتصرف مقدم ل 3 سنين قدام يعني 27% تراكمي بالجنيه المصري.
لما شهادة «إيليت» فهي زي شهادة الاهلي بلس بالظبط ودي بعائد 7% سنويا، العائد بتاعها ربع سنوي بالدولار الأمريكي، وبتشتريها ب1000 دولار ومضاعفاتها.
اما العائد فهو بيتحسب من تاني يوم شرا الشهادة، ولو عايز ترجع في كلامك وتسترد الشهادة فأنت ممكن تستردها بعد مرور 6 شهور من تاريخ الشراء.
كمان البنك التجاري الدولي CIB، أعلن عن طرح وديعة دولارية جديدة بعائد شهري بنسبة 6%، من مميزات الوديعة دي بقى الوديعة أنها بتيح للعملاء أنهم يستثمروا فلوسهم في اقل مدة ممكنة يعني مش محتاجين يستنوا فترات طويلة، وده لأنها وعاء إدخاري متوسط الأجل، ومدتها سنة
بس انت لازم تعرف إن الحد الأدنى للوديعة 10 آلاف دولار، وممكن تستردها في أي وقت، من غير ما تستنى فترة محددة.
ده طرح كمان شهادات الدولار بإيداع متوسط وطويل الأجل بمدة 3 أو 5 أو 7 سنين، والحد الأدنى لمبلغ الشرا هو 1000 ومضاعفاته بالدولار الأمريكي
أما فايدتها هبتوصل ل5.25%، وبدورية صرف للعائد شهري، وبالنسبة لمدة الشهادة فهي 3 سنين، لكن الشهادة اللي مدتها 5 سنين فبتتصرف بعائد شهري بقيمة 5%، أما اللي مدتها 7 سنين فهي بعائد شهري قيمته 4%، ودي ممكن تشتريها من خلال فروع بنك CIB أو من خلال الإنترنت البنكي.
ودلوقتي قولنا رايك في الشهادات الدولارية؟
