أعلنت الإعلامية نجوى إبراهيم عن شفاءها وتعافيها من مرض السرطان، وذلك بعد فترة مرض 4 أشهر، معربة عن سعادتها لبدء حياة جديدة وسط جمهورها.
وقالت نجوى خلال برنامجها «بيت العز» عبر راديو «نجوم إف إم»: «فرحانة جدا ومبسوطة جدا ومحدش يقول دى طلعت قولتي من أسبوعين ودلوقتي بقت كويسة الموضوع أنا مريضة من 4 أشهر بس مرضتش أعلن عنه ربنا أراد الشفاء بسبب كم الدعوات اللى بتجيلى من الناس، أحب افرحكم واشكركم، وهتبدأ النهارده من جديد حياتي معاكم من النهارده معاكم نجوى إبراهيم ماما نجوى».
كشفت الإعلامية نجوى إبراهيم عن امتنانها لكافة مظاهر الحب التي حظيت بها بعد إعلان مرضها.
وأضافت نجوى إبراهيم خلال تقديم برنامجها «بيت العز» عبر نجوم إف إم: «الأسبوع اللي فات حسيت إني غلطت جدًا، أنا مش من النوع الشكاي، واللي قلته مكانش شكوى كانت مشاركة معاكم».
وأضافت: «لما روّحت قعدت أبكي يومين ثلاثة، لإني لقيت ناس كثيرة مليانة حب، وكمية الدعوات اللي جاءت لي لو كانوا هيقطعوا إيدي مش هتتقطع من كثرة الدعوات، رب ضارة نافعة».
وتابعت: «لأن جلد الذات طبيعتي وضميري مستيقظ علطول قلت ليه أنكد عليكم؟ كل واحد فيه اللي مكفيه، وليه أطلع أقول كدة، والموضوع بقاله شهرين ثلاثة، وبجري فيه لوحدي مع ولادي وعيلتي، مكانش يصح أقول كدة».
وأردفت: «ممكن تسامحوني من غير ما يكون عندكم ذرة شك في حبي واحترامي لكم؟ اقبلوا اعتذاري وأنا مقدرة كل حبكم».
واستطردت «ربنا يسمع دعاكم وكل حاجة تيجي على خير، كمان أسبوعين أو ثلاثة أول ما أتطمن هطمنكم، متشليوش همي أنا ممكن أشيل همكم، أنا الكبيرة وهستحمل».
