نجيب ساويرس دائما يثير الجدل بتصريحاته، ومن اول ما الكهرباء بدأت تقطع والصراحة الملياردير المصري لا يقصر في التصريحات، ومع كل تصريح للحكومة تجده طالع برد أغرب من الذي سبقه، فتعالوا ننعرف كيف بدأت معه الحكاية من أول لبنان حتى قال للمصريين خليكوا رومانسيين؟!
رجل الأعمال المصري نجيب ساويرس طلع يعلق على قرارات الحكومة الأخيرة بخصوص أزمة انقطاع الكهرباء.واللي كان من ضمنها توجيه وزارة الشباب والرياضة للعب كل المباريات بالنهار عشان تنتهي قبل المغرب وده عشان القرار ده يساعد في ترشيد استهلاك الكهرباء.
وقال نجيب ساويرس في تغريدة ليه على حسابه الرسمي على تويتر إن القرار الي بعد كده هايكون المطاعم تشتغل على الشموع وخليكم رومانسيين”!
مش بس كده ده كمان كان انتقد قبل كده اتجاه الحكومة لتخفيف الأحمال وقطع التيار الكهربائي على فترات مختلفة فـ اليوم بمختلف محافظات الجمهورية.
وقال “ساويرس” على حسابه الرسمي بـ”تويتر”: “إنه لما توفى أديسون مخترع الكهرباء سنة 1931م تم إطفاء جميع كهرباء العالم لمدة دقيقة تكريمًا ليه
وإنه لسه لحد دلوقتي مصر ولبنان بتكرم الراجل ده كل يوم! وحتى ياسيدي لما طلعت وزيرة البيئة اتكلمت عن سلوكيات المصريين الغلط في استخدام الكهربا وقالت حس جريدة الشروق إحنا متعلمناش إننا لما نيجي ننام نشد فيشة التلفزيون.. الفيشة دي بتسحب كهرباء حتى بدون تشغيل الجهاز.. لو كلنا شدينا الفيشة أو طفينا الكبس هنوفر كتير.
في اللحظة دي ساويرس كان رده حاضر، وقال للمصريين كلمتين بس وهما: شدوا الفيش!
ولو انت مش عارف الحكاية من الأول فـ اللي حصل إن رئيس الوزراء المصري أعلن في تصريحات فـ اجتماع الحكومة الأسبوعي أن الحكومة مستمرة في استراتيجية خفيف الأحمال الفترة الجاية وتحديدًا لحد أول أسبوعين من شهر سبتمبر الجاي .
وفعلا الفترة دي مناطق كتيرة على مستوى الجمهورية شهدت انقطاع للتيار الكهربائي على فترات مختلفة من اليوم، وده بسبب خطة وزارة الكهرباء والطاقة المتجددة لتخفيف الأحمال على شبكة الكهرباء وده حصل مع التزامن مع الموجة الحارة اللي ضربت البلاد.
وحسب تصريحات رئيس الوزراء الدكتور مصطفى مدبولي، قال إن المشكلة بدأت بالتحديد يوم 17 يوليو الجاري بتواجه مصر وكل بلاد العالم بسبب ظاهرة غير مسبوقة لارتفاع شديد في درجات الحرارة.
وإنه بسبب الارتفاعات الشديدة في درجات الحرارة زادت معدلات الاستهلاك واللي قربا لـ36 جيجاوات في اليوم وعلشان الدولة تقدر تشغل كل محطات الكهرباء بأقصى طاقة ممكنة استخدمت كل الإمكانيات المتاحة من غاز طبيعي ومازوت
وعشان كده فـ 10 أيام بس استهلكنا حوالي من 144 لـ 146 مليون متر مكعب من الغاز الطبيعي والمازوت .
وده طبعا رقم كبير رغم إن الحكومة بتستخدم ألية تخفيف الأحمال واللي من أكد إنه لو مكنتش استخدمتها كنا هنحتاج حوالي من 160 لـ165 مليون متر مكعب من الغاز الطبيعي والمازوت للاستهلاك اليومي
وإن الحكومة كان عندها أمل إن الموجة الحارة اللي بنعيشها تنكسر وتنتهي في 23 يوليو
لكن للأسف لسه مستمرة خاصة بعد ما هيئة الأرصاد إن شهر أغسطس هيشهد ارتفاعات غير مسبوقة
وعشان كده الحكومة هتستمر في سياسة تخفيف الأحمال خصوصا وإن الأزمة الحالية مرتبطة بدرجات الحرارة ومفيش حلول لتجاوزها غير ترشيد استهلاك الطاقة الكهربائية
ووجه بترشيد الانارة العامة في الشوارع والمباني الحكومية وكمان قرر إن يوم الحد هيكون بنظام الأونلاين طول شهر أغسطس لموظفين القطاع العام .
ده كمان من وزير الشباب والرياضة إن المباريات تتلعب قبل المغرب عشان يقللوا استهلاك الكهرباء في المنشآت الرياضية و الاستادات والصالات المغلقة.
قولنا رأيك في قرارات الحكومة الأخيرة؟ وهل شايف إن ساويرس بالغ في رد فعله؟
