تقوم بعمل حركات جريئة والناس تراها صافيناز الجديدة، تحصد مشاهدات كبيرة على تيك توك وأخبارها أصبحت كثيرة..هذا ماتفعله بنت الفنان محمد رمضان التي يبدو أنها تحب الرقص.
بس إزاي حنين محمد رمضان بتجيب فلوس بالكوم. وإيه اللي بيعمله معاها أبوها عشان تجيبله فلوس بالمشاهدات على تيك توك؟.. خليكوا معايا في التقرير ده هتعرفوا كل التفاصيل.
حنين محمد رمضان.. افتكروا الاسم ده كويس عشان بعد فترة كده ممكن تبقى أغنى من أبوها.. أيوه هو دلوقتي بيستغلها لصالحه بس بعد كده هتاخد المصلحة لوحدها.. والفيديو الجرئ اللي عملته وهي لابسة فستان مفتوح من فوق خلى الجمهور يقول عليها دي هتحترف الرقص وناس قالت دي موهوبة وحركاتها الجريئة دي هتخليها في حتة تانية ومش لازم تبقى فنانة زي أبوها.
بنت أبوها
حنين محمد رمضان عاملة أكاونت على تيك توك وشعارها عليه إنها بنت أبوها وواخدة مقطع من أغنية أبوها “كم بيبي كم” قالت فيها أنا عايزة البيضا.. عندها تقريبًا كده 100 ألف متابع.. وواخدة لايكات قربت على النص مليون بس الغريبة بقى إن لو بصيت على الفيديوهات بتاعتها لوحدها او مع صاحباتها هتلاقوها قليلة جدًا..
من بينها فيديوها نشرته من كام يوم وهي بترقص بفستان مكشوف وحركاتها جريئة ووقتها كانت في المدرسة ومعاها شوية من صحباتها بيرقصوا معاها والفيديو واخد 50 ألف لايك.. أومال إيه التفاعل ده كله وإيه حكاية الاستغلال ده؟.
الناس فرحانة بيها
ممكن فيديو صغير يتعمل على تيك توك يخلي الناس تتكلم عنك كتير وطبعًا لما تعمل الفيديو ده حنين محمد رمضان لازم الجمهور يتفاعل وده اللي حصل.. لكن في ناس قالت إنها عاوزة تحترف الرقص وناوية تبقى زي صافيناز وجوهرة ورقصات تانيين مشهورين.. طبعًا كل ده متوقف على أبوها ورد فعله وعاوز بنته تكون إيه؟ بس الناس فرحانة بيها وطبعًا في ناس بتنتقدها.
إيه اللي بيعمله محمد رمضان؟
فاكرين لما محمد رمضان بيقعد يصيت لنفسه ومن فترة للتانية بيقعد يقول غن هاشتاج اسمه عدى الكام مليار على تيك توك لحد ما من كام شهر كده قال ده أنا عديت 6 بليون.. أهو ده بقى جزء من استغلال بنته حنين.. علشان لما بصينا على الفيديوهات بتاعتها لقينا 95% منها فيديوهات ترويج لشغل أبوها.
يعني أغاني أبوها ورقصه موجودة ومقاطع من أعماله الفنية زي فيلمه الجديد هارلي وكمان ع الزيرو ومقاطع من جعفر العمدة وكتير من شغله موجود عليها وجايبة مشاهدات عالية وكل ده بيصب في صالحه هو وكإن بنته هي أول واحدة من جمهوره.. وطبعًا الفيديوهات دي بتجيب فلوس بالكوم طالما بتعمل مشاهدات.
لكن إجابة السؤال بتاع رقص بنت محمد رمضان هيكون عند أبوها وهل هيسمح ليها بالرقص ولا لأ وياترى هي موهوبة فعلًا في حاجة زي كده.. ده اللي هتبينه الأيام الجاية وكمان مستنيين تكتبولنا في الكومنتات متوقعين ليها إيه؟.
