حالة من الجدل الواسع، أثارها المستشار مرتضى منصور، الساعات الماضية، بعد تعليق مثير له على الازمة التي نشبت بين الفنان محمد سلام والفنان بيومي فؤاد الأيام الماضية.
ونشر “مرتضى” مقطع فيديو عبر حسابه الرسمي على تطبيق “تيك توك” وقال: “زي ما انت يا محمد سلام عملت العقد واخدت العربون في السر اعتذر في السر عشان احنا مش جايين نعمل منظر خالص”.
مرتضى منصور يوجه رسالة قاسية لمحمد سلام.. لن تصدق ماقاله
وأضاف: “أنت كده أحرجت أي حد هيشتغل، طب لو هيعمل مسرحية في مصر وهيضحك ولا هي القصة الرياض، طب لو هيشتغل في تونس، طب هيروح مهرجان جرش يبقي خاين”.
وتابع: “عشان كده زميلك بيومي فؤاد اللي أنا معرفوش شوف مكتوب عنه ايه الخاين العميل وكأنه هو اللي بيضرب أطفالنا بسببك أنت وأنت اللي عملت كده في زملائك”.
وأكمل: “أنت عاوز تعتذر حقك والله العظيم وأنا لو مكانك هعتذر مش هروح بس لو جالك كوميدي هنا في مصر هتمثل لو مع أحمد مكي ولا هتقعد مش هتعمل كوميدي وهتبقى أمينة رزق”.
واختتم: “محمد أنت ممثل جميل وحذرت وقلت تصفية الحسابات أنا مستاء من اللي بيحصل مع بيومي فؤاد مع اني بيومي ده أهلاوي وحمى وبيني وبينه يعني مش طايقه بس شايف واحد عمال يتهزق ويتهان مع أن الموضوع سهل جدًا وزي ما انت عملت العقد في السر وخدت العربون في السر ورقة صغيرة أنا بعتذر وشكرًا”.
وفي وقت سابق، ظهر بيومي فؤاد، في فيديو عبر إنستجرام، قال فيه: «من حقك أنك تعتذر عن المسرحية، لكن مش من حقك أنك تغلط في فنك”.
وتابع: “إحنا ما بنجيش عشان نضحك حضراتكم.. إحنا بنقدم فننا المصري، وإنتم بتحترمونا وإحنا بنحترمكم جدا.. شئ عظيم إن أنا أخرج وإتصور مع شاب سعودي أو سيدة سعودية، وهي تعلم أن أنا مصري فأنا بشرف بلدي”.
وأضاف: “محمد أنور راجل وأنقذ موقف وكان قدها.. وأنا فنان مصري وليا الشرف.. جيت المملكة العربية السعودية وليا الشرف.. إحنا بنتعب وبنقدم فن ولو الموضوع كدة ف في فنانين كتير من أيام نجيب الريحاني المفروض ينتحروا».
لمشاهدة الفيديو من هنا:
وأضاف بيومي فؤاد: “إحنا اتظلمنا والله واتهنا وإحنا جايين نقدم فن.. اقسم بالله احنا مش بتوع فلوس.. والله العظيم لو العرض ده اتعمل بدون أجر لمدة 15 يوم كمان هيبقى لينا شرف وفرحانين جدًا.. وسيادة المستشار يعلم ده.”
اقرأ ايضا:
