تصدرت الفنانة كندة علوش، مؤشرات التريند في مصر، الساعات الماضية، بعد إعلان إصابتها بمرض سرطان الثدي، وذلك خلال لقاءها مع الإعلامية منى الشاذلي.
وخلال اللقاء، كشفت كندة علوش عن مكالمة خاصة جاءتها من اللاعب المصري المحترف في صفوف ليفربول محمد صلاح، ليطمئن عليها خلال رحلة علاجها من سرطان الثدي.
تصرف مفاجئ من محمد صلاح لكندة علوش بعد إصابتها بالسرطان
وقالت كندة علوش: ” عمرو يوسف كان قاعد وجاله مكالمة أثناء فترة مرضي، ولقيته بيقول (آه أزيك، آه طبعا إيه دا، حبيبي لا أنت حبيبي، يا محمد، آه هي كويسة)، ولقيته متحمس أوي، وانا كنت مع العيال فكنت مش رامية ودن أوي، فبعد ما قفل بقول له (مين يا حبيبي)، قال لي (محمد صلاح)، قولت له (مين محمد صلاح)، قال لي (محمد صلاح)، قولت له (محمد صلاح مو صلاح؟)، قال لي (آه، عرف من أصدقاء مشتركين، إنك تعبانة، وجاب نمرتي)”.
وتابعت كندة علوش: “جاب النمرة واتصل بعمرو، وقال له أنا سمعت ومهنش علي، وعايز اقول لك ان بيتي موجود، عايزين تيجوا تكشفوا في لندن، عايزين تبعتوا لي الورق وأنا اخده عند دكاترة هنا، وقولت له (يا عمرو أنا مش مصدقة، إيه اللذاذة والحلاوة دي).
وأضافت كندة علوش: “وبعدها بفترة لقيت عمرو بيتكلم بنفس الحماسة وبينده لي، وأنا بمسك التليفون قال لي “محمد صلاح”، قال لي “طمنيني”، قولت له “أنا كويسة أوي كويسة جدا، ومبسوطة اني بسمع صوتك”، هو كان متفاجيء من نبرة صوتي، وقال لي “لكِ عائلة وبيت، ولو عزتي أي حاجة، وطمنيني وعايز اطمن عليكِ تاني واسمحي لي”، قولت له “أنت عارف معزتك ايه”، هو إنسان حقيقي وبسيط ودور على نمرة ناس مايعرفهمش.”
وقالت كندة علوش أن عمرو يوسف هو السبب فى اكتشاف المرض، وذلك بعد إصراره على الذهاب للدكتور وعمل التحاليل اللازمة بعد مشاهدته للالام التى أتعرض لها قبل اكتشاف المرض.
وصرحت كندة علوش أن بعد ذهابها للدكتور وعمل الفحوصات والإشاعات اللازمة واكتشاف المرض كان هناك دور كبير لعمرو يوسف والذى أصر على الذهاب للدكتور الذى كان يتولى مهمة علاج والده والذى كان يعالج من نفس المرض.
وتابعت قائلة: وبالفعل كان أهم شىء فى رحلة علاجي من هذا المرض هو الهدوء والاستقرار على الطبيب المعالج ولازالت حتى الآن أتلقى علاج بجلسات الكيماوي والإشعاع.
اقرأ ايضا:
