كشف الفنان محمود عامر، كواليس تعارفه على زوجته رشا فرج، وذلك خلال لقائه في برنامج الستات ميعرفوش يكدبوا.
وقال محمود عامر، خلال اللقاء: ربنا يديم علينا نعمة الحب، كان فيه هاشتاج اسمه الحب مفتاح الفرج، وعشان كده ربنا رزقني بالعروسة الجميلة بنت الناس وبنت الأصول رشا فرج.
وتابع: كانت زي أي بنت في البداية مترددة وخاصة لم يمر وقت طويل على تعارفنا، تقريبا مر 6 شهور فقط، لكن إذا أراد الله شئ، قال له كن فيكون، مجرد ما شوفتها حصل حاجة كده رباني، مقدرش أعبر عنها، سهم كيوبيد كأنه ماشي شارع جوه القلب، وكان النصيب.
وأضاف: أهم حاجة يبقى فيه تفاهم ورضا، وميبقاش صراع ضد إمكانيات الراجل والست، ربنا طبطب على قلبي عرفتها في مرحلة شديدة الصعوبة، ولقيت إنسانة قل وجودها في هذا الزمن، تعطي طاقة إيجابية، كنت في أمس الحاجة إليها، لما تصبر، ثق إن ربنا هيرزقك بما تستحق.
