ظهرت بوزن زائد بشكل ملحوظ جداً والجمهور مستغرب إنها متصالحة مع نفسها وتتصور دون مشاكل، ترى أن زوجها وأبنائها كل حياتها وضحت بنفسها وبالكثير من اجلهم كلامنا هنا عن الفنانة كندة علوش زوجة الفنان عمرو يوسف.
إزاي كندة علوش عملت قلبان على السوشال ميديا كده؟ وليه ظهورها المفاجئ كان بوزن زائد بالشكل ده؟.. إزاي ضحت بنفسها عشان جوزها والعيال؟.. هل عمرو يوسف بيدعمها؟.. خليكوا معايا في الفيديو ده هقولكم تفاصيل الحكاية.
كندة علوش من النجمات اللي ليهم تقل فني لما بسظهروا في أي عمل بتقدر تحقق النجاح اللي مستنيه الجمهور وهي مطبقة مقولة تغيب غيبتها وترجع بهيبتها فعلاً وشوفنا ده أكتر من مرة حتى بعد الجواز والخلفة عادي.. كندة علوش نجمة محبوبة من الكل ومتفاعلة مع الجمهور ومتصالحة مع أي حاجة تحصل في حياتها.. لكن إزاي ظهرت بوزنها الزيادة ده عادي كده المفروض إن كل فنانة بتاخد بالها من كده جداً لكن كندة ولا على بالها أصلا.. وده اللي خلى الجمهور مستغرب.
الظهور المفاجئ
القصة بدأت بصورة نشرها المطرب الشعبي عبدالباسط حمودة على صفحته على فيسبوك وواضح كده إن كندة علوش وعمرو يوسف كانوا في مناسبة سوا وقابلوه أو إنه كان بيعمل حفلة حضرها عمرو وكندة..
المهم في الموضوع ده إن شكل كندة علوش كان مثير للجدل بسبب وزنها اللي زايد بشكل ملفت جداً..
وهنا مكانش في أي حسابات وقت نشر الصورة هو بالنسبة ليهم حدث إنهم يتقابلوا ويستمتعوا بوقتهم حتى عبدالباسط حمودة قال لي تعليقه: “مع عمرو يوسف وكندو علوش أحلى سيلفى ده ولا إيه”.. لكن حسابات الجمهور والسوشال ميديا مختلفة خالص.
الجمهور لف بالصورة على السوشال ميديا والتعليقات كان فيها تساؤل عن وزنها الزيادة ده وإنها ممكن تكون حامل في طفلها التالت.. أصل التعليقات قالت دي مش بتظهر كتير في أعمال فنية ومهتمة بالبيت وجوزها والعيال أكتر وفي اللي قال لأ دي مستنية ابنها التالت.. لكن الحمل ده مش حقيقي والعهدة على موقع صدى البلد الإخباري اللي قال إن الوزن الزائد ده نتيجة الخلفة مش حمل جديد زي ما اتقال على السوشال ميديا.
تضحية كندة علوش
كندة علوش من وقت جوازها من عمرو يوسف سنة 2016 وهي مهتمة جداً بأسرتها عملت بيت واستقرت وكان الموضوع واخد حقه جداً معاها وواضح إنها من النوعية اللي بتحب الاستقرار الأسري وكل ده كان على حساب شغلها والفن يعني فعلاً ضحت.. الجوازة كانت نتيجتها بنتهم الأولى حياة وابنهم التاني كريم وقصة حبهم ملهمة فعلاً.. والجمهور اتكلم في حتة ابتعاد كندة علوش عن الفن لكن هي لما بتظهر كل فين وفين بيكون شغلها ليه وزنه فعلاً زي ما حصل في مسلسل ستات بيت المعادي اللي حقق نجاح كبير جداً.
وده كان في عز اهتمامها بالبيت والعيال وكل اللي قبله كان عادي يعني مسلسل حجر جهنم كان في بداية جوازها ومسلسل إلا أنا كان بيتعرض في كل حكايات وهي كانت بطلة حكاية يعني مخدش من وقتها واللي واخد وقتها فعلاً أسرتها وهي بتعمل كده مقابل شغلها والفن وده دليل إنها عاوزة تشتغل ومعتزلتش زي ما اتقال في وقت من الأوقات.
هل عمرو يوسف بيدعمها؟
الجمهور مندهش من موقف عمرو يوسف مع مراته كندة علوش وبيسأل هل اهتمامها ببيتها وعيالها وبيه هو كمان دعم منه ليها على عكس جوازات تانية شوفنا الفنانات بيتجوزوا وبيشتغلوا أكتر ما بيهتموا بالبيت والعيال زي مثلاً مي عمر زي ياسمين عبدالعزيز زي ريهام حجاج زي درة وغيرهم كتير.
لكن كندة مش مدعومة من عمرو زي الجمهور ما بيقول.. لكن في جمهور كان بعيد عن حتة الظهور الفني دي وإن الدعم الفني موجود عادي والدليل إنها بتظهر وقت ما يكون مناسب ليها تظهر.. لكن هو ليه مش بيدعمها تنزل وزنها ومتظهرش كده ويبان إنها مهتمة بجسمها ورشاقتها عشان ده أكيد هيأثر على الشغل اللي ممكن تترشح فيه فالدعم لازم يجي من هنا وشافوا إن عمرو عليه دور كبير وكمان كندة لازم تغير من نفسها.
في نهاية الفيديو بقى هل كندة أثرت في حق نفسها ومحتاجة تتغير وتهتم شوية عشان شغلها ولا هي حرة والجمهور مش من حقه يتدخل؟ قولولنا رأيكم في التعليقات.
