فاجأت الفنانة داليا مصطفى، جمهورها بظهورها بجهاز استشعار للسكري خلال إعلانها إصابتها بمرض السكري اليوم.
وتساءل عدد كبير من متابعين داليا، عن اسم الجهاز وفائدته لمرضى السكري.
ونوضح لكم في هذا الموضوع أهم المعلومات عن هذا الجهاز:
هو عبارة عن جهاز استشعار صغير يتم ارتدائه على الجزء الخلفي من الذراع ويقوم تلقائيًا بقياس مستوى السكر كل ١٥ دقيقة ويخزن هذه القياسات لمدة ثماني ساعات.
في كل مرة تقوم بمسح المستشعر باستخدام جهاز القارئ ، يتم نقل قراءات قياس السكر من المستشعر إلى الجهاز لتظهر على شاشة الجهاز القارىء.
وكانت قالت داليا مصطفى، في فيديو نشرته بموقع إنستجرام: كنت منزلة صورة أنا وأختي وكنت لابسه فيها الجهاز ده “جهاز استشعار” بتاع السكر، ده جهاز السكر عشان في ناس مكنتش فاهمة ده جهاز إيه بالظبط، بعد ما نزلت الصورة وأنا كنت بتصور عادي، أمهات كتير بعتولي وناس منظمة لمعارض وحاجات للسكر شجعوني جدا وانبسطوا أوي إني لابساه ومش مكسوفة، وأمهات قالولي شكرا طلعتي بشكل عادي بالمنظر ده والجهاز ده خلى أولادنا عندهم ثقة أنهم يلبسوه ومش مكسوفين خالص.
وتابعت داليا مصطفى: “إحنا يمكن معندناش التوعية دي إن مفيش داعي للتنمر لو في تنمر، أنا شايفه أن الأطفال أو حتى الستات اللي بتبقى مكسوفة تلبس الجهاز ده لو لابسين نص كم، على فكرة مش فارقة مش مهم رأي أي حد فيا أنا مستريحة كده الجهاز ده ريحني جدا، كان سكري قبل كده صعب بيوصل لـ8 ومرضى السكر هيفهموا يعني إيه دي حاجة مش لطيفة، كنت بكره الشكشكة حاجة بتضايقني وكنت سايباها كده وحصل مضاعفات مش لطيفة”.
