حالة من الجدل الواسع، شهدتها مواقع التواصل الاجتماعي، الأيام الماضية، بعد انتشار صورة للفنان عماد رشاد من مسلسله الجديد “زينهم” ظهر فيها بقميص كان ارتداه في مسلسل “العطار والسبع بنات” منذ 23 عاما.
من جانبه رد عماد رشاد على هذا الجدل وقال: “حاجة تشرفني وتسعدني أنها تتلاحظ، والممثل ليه أدوات زي شكله ولياقته البدنية، وطبقات صوته، وإحساسه، ولبسه”
أول رد من عماد رشاد على القميص المثير للجدل
وأضاف في تصريحات صحفية: “أنا بصرف أكتر من 50% من أجري على اللبس، وعندي مخزن للملابس وبخزن فيه لبسي من 40 سنة وتشوفيها تقولي لسه شاريها امبارح، لأنها اتلبست مرة أو اتنين”.
وتابع: “الموديلات دي رجعت دلوقتي، ويبان أني لسه شاريهم امبارح لأني مالبستهمش في حياتي العادية، وبوظفهم في أكتر من مرحلة لأني مش هقدر أشتري لبس لكل عمل”
وأكمل: “مش هقدر أشتري حاليًا لأن الأسعار غليت والبدلة العادية بتمن 10 آلاف، لكن البدل بتاعتي القديمة تساوي حاليا 100 ألف جنيه”.
واختتم: ” ما أقدرش أجيب لكل مشهد لبس، لأن المسلسل 30 حلقة يعني بحتاج ما لا يقل عن 90 طقم”.
وفي وقت سابق، كشف عماد رشاد عن اللحظات الأخيرة في حياة صديقه الفنان فاروق الفيشاوي.
وقال رشاد: “الفترة الأخيرة في حياة فاروق الفيشاوي كانت صعبة جدًا لإحساسه بالهزيمة من مرض السرطان، لأنه كان قوي ومفيش حاجة فى الدنيا تهزمه”.
وتابع: “كان عنده أمل إنه يشفى، وقال لي قبل وفاته بيومين يلا بقى احجز لي في جيم عندك علشان أنزل جسمي.”
وأضاف: “الأطباء قالوا إنه سيصاب بنوبة عصبية شديدة قبل الوفاة، ولازم اللى يتعامل معاه بحرص”.
اقرأ ايضا:
