حل المنتج جمال العدل، الساعات الماضية، ضيفا مع الإعلامية أسما إبراهيم، ببرنامج «حبر سري»، المُذاع عبر شاشة «القاهرة والناس».
وخلال اللقاء كشف جمال العدل عن تفاصيل خلافه مع الفنانة سارة التونسي، بسبب إخلالها ببنود العقد مع الشركة، منذ عامين أي خلال تصوير مسلسل حرب أهلية.
“جن جنوني”.. القصة الكاملة لأزمة المنتج جمال العدل وسارة التونسي
وقال جمال العدل: “دي ضايقتنا في التصوير جدا، أنا ويسرا والمخرج، وكنا مش فاهمين عايزة إيه، ومشيتها وعدنا كل تصويرها.. عدوتنا متعملش معانا كده”.
وأضاف: “تأخير بالأربع ساعات، وتيجي التصوير مش حافظة، وآخر حاجة اتخانقت مع باسل خياط وأنا جن جنوني، وبدأت تبقى بايخة مع زمايلها”.
وأكمل: “قلت لها اعتبريني منتج دمه تقيل وشركتنا بايخة، ويسرا مش لطيفة، واستحملينا لنهاية المسلسل ولما نطلبك مرة ثانية ماتشتغليش، قالت عندك حق وثاني يوم لم تحضر، وجيبت مكانها أروى جودة اللي أحسن منها 10 مرات عملت المسلسل وأنقذت الموقف.”
من جانبها، ردت سارة التونسي، على تصريحات المنتج جمال العدل قائلة: “أستاذ جمال العدل، أنا مكنتش عارفة إني مضايقة حضرتك أوي كده خصوصًا بعد ما أنا كسبت القضية ضد شركة العدل جروب وحضرتك خسرت قضيتك ضدي.”
وأكملت: “بس ياه أنت لسه فاكر؟ ده عدى على الموضوع ده أكتر من سنتين وأنا والله نسيت الموضوع واشتغلت في بلدي وكسّرت الدنيا ولو عايزة أشتغل في مصر هشتغل، وعلى فكرة أنا مطلعتش برة مصر! أنا عندي بيت في مصر بزوره كل شهر تقريبًا وبختار أشتغل إيه ومشتغلش إيه.”
اقرأ ايضا:
“بقت زي القمر”.. أول ظهور لـ حورية فرغلي بعد العملية الأخيرة
