حلت الفنانة أنغام، الساعات الماضية، ضيفة مع الإعلامي أنس بوخش ببرنامج ABtalks، والذي كشفت فيه أسرار من حياتها الخاصة لأول مرة.
وكشفت أنغام خلال اللقاء، كواليس وفاة شقيقتها غنوة، مؤكدة أنها أصعب لحظة عاشتها في حياتها على الإطلاق، بالرغم من علاقتهما المضطربة في نهاية حياتها.
أنغام تكشف تفاصيل مؤثرة عن شقيقتها لأول مرة
وقالت أنغام: “كانت خبطة كبيرة وقاسية جدا، مع إن علاقتنا مكانتش كويسة، لكن مكنتش عايزة أصدق لحد ما أنا غسلتها بإيدي وكنت عايزة أصحيها”.
وأضافت: “مبحبش أدافع عن نفسي، ولا أتكلم عن حد مش موجود، لكن كل اللي أقدر أقوله بمنتهى الأمانة وبيني وبين ربنا عمري ما كنت سبب زعلها مني، دي كانت بنتي مش أختي، والفرق بيني وبينها 16 سنة”.
وأكملت: “هي عندها أسبابها الله يرحمها، ممكن لو عمرها طال شوية كانت الأمور تتغير وتعذرني، لكن مفيش حد حنن قلبها وقسوها عليا”.
وفي سياق متصل قالت أنغام: ” اتعلمت الموسيقى وأنا عندي 6 سنين وطريقة تعليمي كانت قاسية، وكنت بلعب بيانو وأنا صوابعي متكسرة من البرد وساعات نومي قليلة، ولكنه كان مسئولية كبيرة”.
وأضافت أنغام: “بشوف نفسي محظوظة، ولكن البيت مكنش أسعد حاجة مكناش الأسرة السعيدة، وكانوا بيتعاملوا معايا على إني كائن فاهم وكنت بشيل حاجات ومكنتش عايزة أشيلها، وجزء من المعاناة، وأمي كانت طفلة من جواها وعلى الحياة اللي كانت فيها.”
