شاركت الفنانة فريدة سيف النصر منشورًا عل صفحتها الشخصية على موقع التواصل الإجتماعي فيسبوك عن تعرضها للسرقة.
وكتبت فريدة سيف النصر: “ياجماعة طنط فريده إتروقت جامد. استغرب جدا من اللي يمد أيده ياخد حاجاتك بمنتهي البجاحه ويسرقك وانت مٱمنه جدا..طيب ازاي هاتسلم بيتك لحد..وتلاقيه خانك..وممكن تأذيه لكن يصعب عليك عيالهم”.
“إتروقت جامد”.. فريدة سيف النصر تعلن خبر صادم للجميع
وتابعت: “برغم أن سهل جدا لو طلبوا الحاجات دي تديهالهم بطيب خاطر وبالحلال بدل مايبقوا حراميه وخاينين..أنا أول مره في حياتي ابعد عن بيتي كتير ..ومن يوم مارجعت للنهارده كل شويه اكتشف كوارث متاخده..كل ما احتاج حاجه ادور مالاقيهاش..منك لله يا شيخه.”
وأكملت: ” ياجماعه أنا واضح اني سلمت بيتي لعديمة امانه وخاينه ومش عايزه اسب ولا أأذي علشان ماعملتش لهم بلوك ويمكن عيالها يهزءوها..لكن لو في عندها ضمير ؟.ضمير ايه وزفت ايه يافريده..العوض علي الله بس مش هاتتهني أنا عارفه نفسي اللي بيخونني أو يظلمني ربنا في ظهري..حسبي الله بجد…هو أنا ناقصه …الحمد لله”.
وفي وقت سابق، حول سبب تخليها عن الحجاب، قالت فريدة سيف النصر إنها شعرت باختناق من هذا الوضع، خاصة وأنها تحب التصرف بطبيعتها دون قيود، وبعدها تعرضت لهجوم كبير بسبب خلع الحجاب.
و قالت فريدة: “اتجوزت مرة واحدة من أسامة الشافعي.. لكن الجوازة نفسها تلاتة لأننا كنا بنطلق ونرجع ونطلق ونرجع لأننا كنا مجانين خالص وبنحب بعض”.
وتابعت: “تالت مرة ما قبلتش يكون عندي محلل ولا هو قبل وكان لأسباب جامدة بسبب واحدة دخلت في النص وكنت بسامحه كتير لكن في الموضوع ده مكانش ينفع. ”
وأكملت: “كنت بعمل مسرحية الغبي وأنا على مسرح الجلاء، وجت شخصية مهمة مش مصرية عاكست وقلت أدبها، ضربته بالشبشب جابوا ليا القسم ظابط المباحث وكان أسامة الشافعي اللي اتجوزته بعد الموقف ده”.
وتابعت: “قال عندها حق أنها قلت ادبها عليه والتاني بتاع سفارة وشخصية مهمة، وأسامة قالهم دي قريبة مين، قالوا لي بنت عم سيف بيه النصر حمدي المفتش بتاعك ومن هنا حصل تعارف وطلبني للجواز لكني كنت رافضة”.
اقرأ ايضا:
