قالت الفنانة شيرين رضا: “أنا اللي كنت عايزة أتطلق مع عمرو دياب، ولما كنت حامل وإحنا متجوزين كنت بكره ريحته ولما كنت بشوفه كنت برجع”.
وأضافت خلال لقائها ببرنامج “العرافة” المذاع علي قناة “النهار”: “خلال فترة حملي مكنتش بحب ريحة أي حاجة وفي أول 3 شهور في حملي لو شربت مياه أو أكلت أو شميت ريحة بارجع وعلشان كده كنت بزهق على عمرو دياب وأقوله متحطش ريحة بيرفيوم علشان هرجع وأقوله اطلع برة الأوضة”.
وعن سر عدم زواجها حتى الآن بعد انفصالها عن عمرو دياب، علقت شيرين رضا: “مش عايزة أتجوز ودي رغبتي أنا”.
وفي الجزء الأول من نفس اللقاء، تحدثت الفنانة شيرين رضا عن قصة زوجها من عمرو دياب قائلة: “محاولتش ألفت نظره لأننا كنا عارفين بعض كويس”.
واضافت: “كان واضح وصريح وقالي عايز أقابل باباكي وأتجوزك وأستمر الزواج بيننا لمدة 3 سنوات وكان يغني لي فيها كل الأغاني الفترة دي”.
وعن سبب الانفصال قالت: “سبب الانفصال بيني وبين عمرو دياب إن الحياة بيننا أصبحت مستحيلة، وما بقتش قادرة أشتري دماغي أكتر من كدا”.
مقالات أخرى قد تهمك
“نور بنتك زعلانة من ولاد عمرو دياب عشان مبيسألوش عليها”؟.. رد مفاجئ من شيرين رضا
