حل الفنان حسن الرداد، الساعات الماضية، ضيفًا في برنامج Mirror، الذي يقدمه الكاتب الصحفي خالد فرج، والذي كشف فيه عن أسرار حياته الخاصة.
وخلال اللقاء وجه خالد فرج سؤال لحسن الرداد: “كام فنانة طلبتها للجواز قبل إيمي؟”.
“كام فنانة طلبتها للجواز قبل إيمي؟”.. حسن الرداد يكشف مفاجأة لأول مرة
من جانبه رد حسن الرداد: “عمري ماتقدمت لفنانة للجواز، لكن فيه فنانة هي اللي طلبتني للجواز”، ورفض الرداد أن يقول اسمها.
وتابع حسن الرداد: “الحب الحقيقي في حياتي هي إيمي، وقبل إيمي كنت بصاحب بنات وكان بيبقى فيه إعجاب لكنه مش حب”.
وفي وقت سابق، كشف حسن الرداد، أن زوجته الفنانة إيمي سمير غانم، طلبت منه الطلاق أثناء سفرهما لقضاء شهر العسل.
وقال الرداد: “أقسم بالله وإحنا لسه في الطيارة بهزر معاها ومعرفش إنها بتخاف من الطيران، وأنا في الطيارة ببقى كأني ماشي في البيت متحمس وبحب أتحرك وأفضل أقول الطيارة هتقع، لقيتها قعدت تعيط وتقولي طلقني وزعلت وفضلت أصالحها لحد ما وصلنا المكسيك”.
وأضاف: “في بداية الجواز البنت لما بتضايق بتلاقي كلمة طلقني دي سهلة، لو الراجل ممسكش دماغه في كل المرات ممكن يحصل الانفصال”.
وتابع: “أول سنين جواز من وجهة نظري وتجربتي بيبقوا صعبين أوي عشان تفهموا طباع بعض، وبعد كده في صعوبات أنكم تخلقوا حاجات جديدة والحياة بين الاتنين المتجوزين عايزة نفس طويل”.
اقرأ ايضا:
