حلت الفنانة هنا الزاهد، الساعات الماضية، ضيفة ببرنامج “صاحبة السعادة” الذي تقدمه الفنانة إسعاد يونس بقناة “دي ام سي”.
وخلال اللقاء تحدثت هنا الزاهد عن والدها قائلة: “بابا موجود وكان في فرحي بس مش قريب خالص مننا، وكان نفسي يكون قريب، وسبب من الأسباب اللي كان بيخليني أخاف أغلط لإن بابا ما كانش في حياتنا وأمي هي اللى كانت موجودة بس”.
هنا الزاهد تكشف أسرار صادمة عن والدها لأول مرة
وتابعت هنا الزاهد باكية: “شُفت الفنان صلاح عبد الله وهو بيبكي بحرارة في فرح بنته، وقتها رُحت في جنب وفضلت أبكي كان نفسي أحس الاحساس ده، بابا إنسان كويس بس هو بعيد وافتقدت مشاعر الأب وهو عنده عائلة تانية، الفنان الراحل طلعت زكريا ملأ الحتة اللي كان بابا سايبها بس مهما يكن ما كانش زي بابا”.
وتابعت: “خايفة من فشل الزواج علشان ما أكررش اللي حصل من بابا معانا وابتعاده عننا، أنا ما بعرفش أحب حد في سني لازم يبقى أكبر مننا علشان أعوض حتة بعد بابا عني”.
وواصلت هنا الزاهد: “في المدرسة كنت عايزة بابا اللي يجي لي مش ماما بس هو كان منشغل بحياته أوي، انا مش بنجذب لأي حد في سني وبحسهم كلهم زي إخواتي، أنا عايزه حد أكبر مني، حد يحتويني ويبقى ضهر وسند وأبقى حاسة بأمان لإن الأمان حاجة كبيرة أوي”.
ووجهت رسالة لوالدها، قائلة: “كان نفسي تكون معايا في كل فترة في حياتي في المراهقة والطفولة، وتسمع كل اللي جوايا لإنك أنت مثقف أوي وكنت هتعطيني من خبرتك وتجاربك، مفتقداك جدًّا في حياتي وكان نفسي تحضر نجاحاتي وآخد رأيك في أعمالي، ولحد دلوقتِ مستنية مكالمتك”.
وأشارت هنا الزاهد: “بابا انفصل عن ماما بدري واحنا صغيرين، وترك فراغ كبير كان نفسي يملاه معايا أنا بالتحديد لإني كنت محتاجة رأيه في حاجات كتير وعقابه حتى ليَّ لما أغلط”.
اقرأ ايضا:
