حلت الفنانة هنا الزاهد، الساعات الماضية، ضيفة ببرنامج “الحكاية” الذي يقدمه الإعلامي عمرو أديب بقناة “إم بي سي مصر”.
وخلال اللقاء قالت هنا الزاهد: “اكتشفت إن أحمد السعدني إيده تقيلة جدا لما ضربني بالقلم في مشهد البالونة بمسلسل ”سيب وأنا أسيب”.
تصريح صادم من هنا الزاهد عن أحمد السعدني
وتابعت:”القلم نزل على مناخيري في المشهد، وقلت له: إنت وجعتلي مناخيري.. أنا عاملة فيها عملية واتضايقت منه بعد المشهد”.
وأكملت: “أحمد السعدني اعتذر لي، وقال لي أنا آسف عن القلم لإنه وجعني واتضايقت منه، فقلت له بالراحة.. قولي طيب ومتفاجئنيش جوة المشهد كدة”.
وأضافت: “فيه مشهد تاني من كتر ما إحنا واخدين على بعض.. كنا قاعدين في البالكونة وعاملين بالونة باللبانة، ضربني بجد.. وقتها قلت له بجد أنت غبي وبطَّل غباء، وده كان بجد مش تمثيل، بس هما خدوها، إيده تقيلة وهو طويل وكل حاجة فيه كبيرة جدا”.
وتابعت: “أحمد السعدني شتم شتيمة جامدة جدا، وكلمته قلت له قال لي آه شتمت، بس أنا افتكرتهم واخدين المشهد من بعيد مش من قريب جدا، وأنا زعلت من السعدني واستغربت، وقلت له: إزاي تشتم الشتايم دي؟! ومكنتش متوقعة إنه يشتم كدة”.
واختتمت: “بس هو عامة أنا وهو في المسلسل كنا بنتعامل عادي لإن الاتنين طريقتهم مع بعض، مش قاصدين نطلع ألفاظ خارجة بس بعد كدة لازم أخلي بالي”.
اقرأ ايضا:
