حالة من الجدل الواسع، أثارتها الفنانة حورية فرغلي الساعات الماضية، بعد تصريحات مفاجئة لها حول علاقتها بالراحل هيثم أحمد زكي، والتي زعمت أن الراحل توفى وهو يحمل مشاعر تجاهها، على الرغم من ارتباطه وخطبته لـ إنجي سلامة.
من جانبها، ردت خطيبة هيثم زكي على حورية فرغلي وقالت: ” هي عايزة تعمل تريند ومشاهدات على حساب شخص متوفى، ومكنتش تجرؤ تقول أي كلام من اللي قالته وهو عايش.”
خطيبة هيثم زكي تفتح النار على حورية فرغلي.. لن تصدق ماذا فعلت؟
وأضافت: “كل شوية تتكلم في الموضوع علشان فاكرة إن مفيش حد هيكدبها ولا يسكتها! وعيب والطريقة دي ملهاش علاقة لا بأخلاق ولا بـ دين إنه تقول كلام مش حلو على شخص متوفى.”
واختتممت: “أحسن لها تركز في شغلها علشان لما يستضيفوها في برنامج تلاقي حاجة تتكلم عليها غير هيثم الله يرحمه.”
وفي وقت سابق، قالت حورية فرغلي: قابلت هيثم عند أستاذ خالد يوسف لما كنا بنعمل فيلم “كف القمر” وعرفت إن دوري هيكون معاه، أنا أكبر منه بـ6 سنين.
وتابعت: كنا أصحاب في الكواليس ويوم عيد ميلاده روحنا بيته كان بيت هادي جدا، كان وحيد، كان يطلب الأكل ويسيبه بالأيام من غير ما حد يساعده في توضيب البيت، أنا بقيت بعمل كده، أنا حبيته جدا في الأول مش حب راجل لست لكن في وقت ميلت ليه.
وأضافت: هيثم أحمد زكي كان غيور جدا، كنا بنصور مسلسل “دوران شبرا” ووالدة الفنان هاني عادل توفيت، روحت أقدم ليه التعازي في نص اللوكيشن بتكلم معاه، راح هيثم جابني من شعري في وسط اللوكيشن وضربني وشتمني، وفي الآخر قالي يا “طنط”، أنا كل اللي قاله مأثرش فيا لكن كلمة “طنط” دي كانت درس إني معرفش واحد أصغر مني ولو بيوم.
وأكدت: أنا اتقالي والله أعلم دا حقيقي ولا لأ، أنه هيثم أتوفى وهو لسه بيحبني، لأنه حاول كتير إننا نرجع لكن كان الموضوع وصل لحته خطر.
اقرأ ايضا:
