بعد سنين طويلة من الخصام والقطيعة ،عادت المياة لمجاريها وتصالحت هيفاء وهبي مع بنتها الوحيدة زينب ،التي جعلتها تبقى جدة وخلفتلها بنتين ، لكن الحق يقال هذا ليس شكل واحدة جدة ابداً ماشاءالله .
زينب بنت هيفاء وهبي جميلة وطبيعية وبناتها شبهها جدا وواخدين جمال جدتهم هيفاء ، عذرا ياست هيفاء على الكلمة الجارحة دي
المهم ان زينب نشرت فيديو على حسابها على انستجرام لبنتها الصغيرة وهي بتتفرج على فيديوكليب لتيتة هيفاء وواقفة قدامها بترقص وتقلدها زي مابتعمل.
مشهد غريب انك تشوف طفلة عندها 3 او 4 سنين بترقص على اغنية جدتها اللي متدهاش عشرين سنة ، في ايه يا جماعة بالظبط وليه العيلة دي كدا ؟ بقى هيفاء وهبي اللي بالجمال والروح والشباب ده كله جدة ؟
بنات زينب فياض بنت هيفاء وهبي واخدين كتير من ملامحها ، وهي دايما بتحب تنشر صورها معاهم ، وهيفاء علاقتها حلوة بيهم ومتصالحة مع نفسه في الموضوع ده ومش مضايقة انها عندها احفاد ، بالعكس هي بتعيش معاهم اللي معاشتهوش مع بنتها وهي طفلة لانها سابتها لباباها بعد ما انفصلت عنه
لكن دلوقتي هيفاء قدرت تجمع عليتها من تاني وعايشة اجواء حلوة سواء مشاعر الامومة مع بنتها زينب ، او مشاعر التيتة مع حفيداتها القمرات اللي طالعين لها،ده غير بقى البطل هيفاء وهبي اللي مجننة رجالة الوطن العربي كله وبيحبوها وبيكراشوا عليها من سنين طووووويلة
طب اصلا ليه هيفا كانت بعيدة عن بنتها؟ واصلا خلفتها امتى واتجوزت امتى وازاي عشان يكون عندها بنت كبيرة كدا وكمان احفاد ؟
تعالى ياسيدي اقولك حكاية مأساوية في حياة الست الحلوة اللي كلنا بنبهر بيها لكن محدش عارف ايه اللي مداري ورا الجمال ده ..
ارجع بقى معايا للزمن كدا … هيفاء وهبي وهي عندها 17 سنة اتجوزت اول جوازة في حياتها ، وسعتها وقعت في رجل الأعمال نصر فياض واتجوزته وبعد سنة واحدة خلفت بنتها زينب ، لكن هيفا من زمان وهي بتجري ورا الشهرة والمودلينج ولما بدأ يجيلها شغل وعروض وتتشهر وتكبر وتعمل اسم ، جوزها نصر مكنش عاجبه الكلام ده
وعمل زي رجالة كتير وخيرها مابين شغلها او بيتها وبنتها ، لكن الصدمة اللي هو مكنش متوقعها ان هيفاء اختارت شغلها عشان تحقق حلم الشهرة ، لكن التمن اللي دفعته كان كبير جدا وهو حرمانها من بنتها الوحيدة
عمل ايه بقى نصر فياض؟
مضاها على اوراق بتقول انها متشوفش بنتها وملهاش علاقة بيها، وي اضطرت تمضي لكن ندمت على ده بعدين ، ولما طلعت في لقاء اعلامي قديم واتسألت عن الموضوع ده ، بكيت ووقفوا التصوير ، وكان واضح عليها الندم لكنها كانت صغيرة ويمكن مقدرتش تفكر صح ولا تاخد القرار المناسب ، وكانت فاكرة انها هتقدر تشوف بنتها حتى لو غصب عن جوزها
لكن نصر فياض طليق هيفاء نفذ تهديده وحرمها فعلا من البنت سنين طويلة جدا لدرة انها كبرت وهي متعرفش شكل بنتها ايه ، وفي مرة بعتت مصور للمدرسة بتاعت زينب عشان يصورلها البنت صور كتير وتشوفها وتحتفظ بيها، لكن حد من تبع طليقها عرف الموضوع وخدوا الكاميرا وكسروها بالعند في هيفاء وهبي.
ومرت السنين واتشهرت هيفا وبقى ليها قوتها واسمها ، وقدرت بطرق كتير انها ترجع علاقتها ببنتها، خاصة ان البنت كبرت واكيد تفهمت موقف مامتها ولما حاولت توصلها ممانعتش، وفعلاً رجعوا زي السمن على العسل عشان يعوضوا السنين اللي فاتت
لكن كانت زينب اتجوزت وخلفت ، وهيفاء محضرتش اصلا فرحها ولا كانت تعرف عن حياتها الخاصة حاجة ، لكن هي اكتفت بانها رجعت لحضنها ، وبتعاملها على انها صاحبتها مش بنتها ، وبتعامل احفادها على انهم اخواتها الصغيرين مش كأنها جدتهم .. يابختهم والله.
والجمهور كمان مش مستوعب فكرة ان هيفاء وهبي الست الجميلة اللي دايما بيتقال عليها اجمل ست في الوطن العربي ، يكون اصلا عندها بنت واحفاد ، احنا كمحبين لهيفاء مش مقتنعين بده وبنتعامل على انها صحبتها مش بنتها
وزينب بقت تنشر صور كتير وتحط على اغاني مامتها هيفا ، وكمان بتصور ولاها وهما بيتفرجوا على كليبات ستهم النجمة المشهورة ، اللي هي بالنسبالنا الكراش والجمال كله
قولولنا ايه رأيكم في علاقة هيفاء وهبي ببنتها واحفادها؟
