علق الفنان حسام حبيب، على تدخل أحد الفنانين في أزمة التسجيلات المسربة لـ حسام حبيب، والدفاع عن أهل شيرين عبد الوهاب، معربًا عن استغرابه الشديد بسبب إعطاء بعض الفنانين الحق لأنفسهم بالتدخل في أمور ليس لهم علاقة بها على حد تعبيره.
وقال حسام حبيب خلال تصريحات صحفية؛ سمعنا ناس غريبة بتدخل في أمور مش أمورها خالص، ومنهم ناس أشباه فنانين، مفيش فنان بيدي حق لنفسه يدخل في حياة غيره، لأن الفنانين بيبقى عندهم إحساس، وتصريحات شيرين خلت شكلهم مش ظريف خالص.
وكان الفنان حسام حبيب، رد على البيان الذي أصدرته طليقته الفنانة شيرين عبد الوهاب، بشأن أزمة التسجيلات الصوتية المسربة له، وذلك من خلال القاهرة 24، قائلًا: ربنا يقف معاكي ويجبلك حقك وينصرك على أي حد ظلمك، وأنا كنت دائما بسيبها على ربنا وعارف أنه أكيد هيجيب حقي وأكيد هيجيب حق أي حد مظلوم، وطبعا كتر خيرها، وكان لازم كلنا نسمع منها الكلام ده لأن من حقها أنها تكلم وتقول.
وأضاف حسام حبيب: الناس لازم تفهم ليه شيرين متوقفة إنها تنزل أي حاجة على يوتيوب، وممنوعة من ممارسة حقوقها على منصاته واللي منعوها مش بس مستفيدين ماديًا، وكمان منعوها عن الشغل ومن التواصل مع جمهورها يعني بيضربوها في مقتل لأن الفنان إيه غير التواصل مع جمهوره.
