حالة من الجدل الواسع، أثارتها ريم طارق، طليقة الفنان حسن شاكوش، الساعات الماضية، بعدما كشفت عن خيانته لها مع فنانة شهيرة في نهار رمضان.
من جانبه، رد حسن شاكوش على تلك التصريحات في فيديو على صفحته الشخصية بموقع التواصل الإجتماعي فيس بوك.
أول رد من حسن شاكوش على خيانته لـ زوجته
وقال شاكوش، إنه لا يريد الحديث عن إمراة كانت فى يوم من الأيام زوجته، و أنه رجل من منطقة شعبية وصعيدي وصعب عليه أن يتحدث عن إمراة على السوشيال ميديا خاصة وأن هذا الكلام لا يؤدي إلى نتائج فى هذه العلاقة.
وتابع: “بس الكلام اللى اتقال فى البرنامج ده كلام ميرضيش ربنا وأنا ليا حق الرد بس مش هرد على واحدة كانت في يوم من الأيام مراتي وتحمل اسمي.”
كما طالب شاكوش طليقته بالكف عن إطلاق تلك التصريحات قائلا: “بطلي كلام”.
وتابع حسن شاكوش: “أنا اتجوزت 55 يوم فقط، واللي كنت هطلع أقول له وأحكي فيه عن الأزمة طليقها طلع قاله فأنا هطلع أحكي في إيه تاني؟.”
وأضاف: “اللي اتربيت عليه واللي أهلي ربوني عليه لإني من منطقة شعبية وراجل صعيدي وما اتكلمتش مش خوف ولا ضعف ولكن علشان الإنسانة دي كانت مراتي وما بينفعش أتكلم في حاجة تمسني أو تمسها لإني لو اتكلمت أو جبت سيرتها هتعود عليا علشان كنت في يوم من الأيام الراجل بتاعها وجوزها.”
وأوضح: “ما ينفعش الراجل يجيب سيرة مراته ورغم أبشع الالفاظ اللي سمعتها وأهلي اللي اتشتموا على السوشيال ميديا لكني كنت بقول لهم محدش يتكلم وكنت طول الفترة اللي فاتت في ضغط عصبي وفي عز المشاكل ما اتكلمتش.”
وكانت حالة من الجدل الواسع، أثارتها ريم طارق، طليقة مطرب المهرجانات حسن شاكوش، الساعات الماضية، بعدماأعلنت خيانته لها برفقة فنانة مشهورة ثالث حرف من اسمها “ر”.
من جانبها ردت الفنانة حورية فرغلي على تلك الاتهامات، قائلة: “والله عمري ما شفت حسن شاكوش ولا أعرفه شخصيًا”.
وأكملت: ” تصريحات طليقته أن ثالث حرف من اسم الفنانة راء، مش حورية بس ما في شيرين !؟، أنا أصلا مبصاحبش أكيد مش هعرف راجل متجوز، وأنا مش كده خالص”.
وأضافت: “ومع احترامي لشاكوش أنا مش بتاعت الكلام ده، آخري صداقة، ولكن أنا عمري ماشفتوش حتى بسمع بنت الجيران اللي هي مش عليها صورته، ولو الموضوع انتشر بالشكل ده هعمل مصيبة وهرفع قضية تشهير.”
اقرأ ايضا:
«هعمل مصيبة».. أول رد من حورية فرغلي بشأن اتهامات طليقة حسن شاكوش
