أعلنت الفنانة سلوى محمد علي، أنها ترتدي من ملابس صديقاتها، وذلك خلال تصريحات صحفية.
وقالت سلوى محمد علي: صاحبتي شحتتني فستان، كان جميل جدا واتصورت بيه، وبستلف كتير لأني في بداية شغلي ما كانتش باخد فلوس تكفي، وزميلاتي شيرين فرغلي وهالة خليل ومنال محي الدين يا ما سلفوني هدوم، وصحباتي بيسلفوني وأحيانا بكون محتاجة حاجات معينة صعب الحصول عليها بتوفرها لي صاحبتي وخصوصا إن ذوقهم حلو جدا.
وأوضحت: معنديش شغلانة تانية غير التمثيل، ومافكرتش أشتغل حاجة غير التمثيلن ولو بعرف أشتغل شغلانة غير التمثيل كنت هعرف اعمل إجراءات الفاتورة الإلكترونية اللي طلبت مننا.
وبسؤالها عن تأمين مستقبلها المادي أضافت مازحة: مستقبل إيه! أنا فوق الستين، ومن ثم عاودت قائلة: ربنا يديني الصحة وطول العمر ويكون فيه مستقبل أكبر، لكن أنا ممثلة وهفضل ممثلة والاحتياج شيء مهم لأي فنان، وشفنا أجيال سابقة زي فاطمة رشدي بجلالة قدرها صاحبة الأدوار الكبيرة والفرقة المسرحية كانت مش لاقية مكان تقعد فيه لحد ما فاروق حسني جاب لها شقة تقعد فيها، وتحية كاريوكا بجلالة قدرها احتاجت شقة.. الفنان ممكن يكون عنده دخل كبير جدا، لكن تنتهي به الحياة بهذا الشكل لأن مصاريف الفن كتير.
اقرأ أيضًا: مفاجأة غير متوقعة حول رؤية هلال شهر رمضان هذا العام
