حلت الفنانة إلهام شاهين، الساعات الماضية، ضيفة خلال مقابلة تليفزيونية في برنامج كتاب الشهرة، الذي يقدمه الإعلامي اللبناني علي ياسين، عبر فضائية “الجديد”.
وخلال اللقاء قالت إلهام شاهين: “راضية جدًا أني ما خلفتش، أنا مش قد المسؤولية وكفاياني مسؤوليات وعاوزة أعيش حرة وأعيش لفني لأن الفن بياخد وقتنا كله وأحيانا بنشتغل 20 ساعة”.
«مش ندمانة إنك أجهضتي نفسك؟».. رد صادم من إلهام شاهين
وتابعت: “امتى الواحدة تمارس أمومتها وتاخد بالها على أولادها، لازم يكون فيه اختيار ومفيش حد بياخد كل حاجة من الدنيا، ومش ندمانة أني أجهضت مرتين.”
وأضافت: ” الأمومة عطاء وتضحية، وهذه الأمومة ممكن أمارسها مع أخواتي وولاد أخواتي وأصحابي المقربين.”
كما فاجئت الجميع وقالت: ” لو عقلي وافق ممكن أتجوز جواز مدني.. وبما أن مفيش في مصر جواز مدني ممكن أسافر بره مصر.. ولو هما مش بيعترفوا بالأطفال من الجواز المدني أنا كده كده في سن مش هخلف فإيه اللي يضر”.
وفي وقت سابق، أعلنت الفنانة إلهام شاهين، أنها خسرت أموالها بسبب إنتاج الأفلام السينمائية في مصر، وذلك خلال ندوة تكريم الفنان هاني سلامة بمهرجان الغردقة لسينما الشباب.
وقالت إلهام شاهين: “أنا كمنتجة مش عايزة الربح من السينما ولكن على الاقل أن تعود الأموال زي ما هي لوضعها في فيلم آخر لكن بخرج خسرت كل فلوسي.. وبنضطر لدفع فلوس كثير جدا.. فيجب على الدولة الوقوف بجانبنا.. وتحب السينما وتعرف قيمتها وتشجعنا أكثر.”
وتابعت إلهام شاهين: “مبقاش في منتجين في مصر.. لو موجود فيلم كويس ومحترم ومش قادرة انتجه خلاص بحطه في الدرج عندي، لأن لا يوجد منتج يتحمس”.
اقرأ ايضا:
«أبوكي مات مش راضي عنك ليه؟».. رد مفاجئ من إلهام شاهين
