شنت رنا -شقيقة ريم طارق، طليقة مطرب المهرجانات حسن شاكوش، هجوما عليه بعد الفيديو الذي نشره شاكوش، عبر حسابه على تطبيق انستجرام.
وكتبت شقيقة ريم طارق، منشورا عبر فيسبوك, قالت فيه: «وانت بقي طبيعة شغلك ايه يا استاذ اللي اهم حاجه فيه سمعتك ؟ .. رقاصة».
شقيقة ريم طارق تهين حسن شاكوش
ثم كتبت منشورا آخر عبر فيسبوك قائلة: «لو مش قد المواجهه اشرب قهوه و اتغطي لتستهوه».
وفي وقت سابق، نشر مطرب المهرجانات حسن شاكوش، مقطع فيديو جديد له عبر حسابه الشخصي، على موقع تبادل التواصل الاجتماعي فيسبوك.
وقال حسن شاكوش: اتعرض عليا أظهر في أكتر من برنامج ولكني رفضت، وقلت مستحيل أتكلم على واحدة كانت مراتي أو مش مراتي ولا عمري جبت سيرة بنت أو غلطت في حق بنت وعارف يعني إيه المرأة المصرية وشرف المرأة المصرية، وزي ما الست ليها شرف وكرامة الراجل ليه شرف وكرامة.
وتابع حسن شاكوش: أنا اتجوزت 55 يوم فقط، واللي كنت هطلع أقول له وأحكي فيه عن الأزمة طليقها طلع قاله فأنا هطلع أحكي في إيه تاني؟.
وأضاف: اللي اتربيت عليه واللي أهلي ربوني عليه لإني من منطقة شعبية وراجل صعيدي وما اتكلمتش مش خوف ولا ضعف ولكن علشان الإنسانة دي كانت مراتي وما بينفعش أتكلم في حاجة تمسني أو تمسها لإني لو اتكلمت أو جبت سيرتها هتعود عليا علشان كنت في يوم من الأيام الراجل بتاعها وجوزها.
وأوضح: وما ينفعش الراجل يجيب سيرة مراته ورغم أبشع الالفاظ اللي سمعتها وأهلي اللي اتشتموا على السوشيال ميديا لكني كنت بقول لهم محدش يتكلم وكنت طول الفترة اللي فاتت في ضغط عصبي وفي عز المشاكل ما اتكلمتش.
