حالة من الجدل الواسع، أثارتها الإعلامية ياسمين عز، بعد تصريحات وجهتها للزوجات عند انقطاع الكهرباء خلال برنامجها كلام الناس.
وقالت ياسمين عز: “الزوج مولد كهربائي يشعل ضوء البيت وبمناسبة الكهربا ليه بنعمل مشاكل تقطع ليه محتاجة نور ليه وفرعونك جنبك منور حياتك، لو جوزك عايز ينام والكهربا مقطوعة والجو حر هاتي ورقة وهوي عليه لحد ما يصحى وبعدين نامي أنتي”.
رسالة صادمة من ياسمين عز للزوجات
وأكملت: “وبعدين زعلانة ليه من الكهربا وجوزك الفرعون قاعد جنبك منور حياتك مفيش حاجة اسمها أطفي التكيف عشان يرتاح وجوزك نايم بتريحي التكييف من التعب وجوزك الشقيان ده مش تعبان ريحيه شوية”.
وتابعت: “زي ما بتخافي على التكييف خافي عليه مولد كهربائي طبيعي رباني قاعد جنبك نوره مغطي على نور الكهربا تأملي في بشاشة نور جوزك.”
وفي وقت سابق، أعلنت الإعلامية ياسمين عز، توقف برنامجها “كلام الناس” المذاع عبر شاشة mbc مصر لمدة أسبوع .
وكتبت ياسمين عز ، عبر حسابها بتطبيق انستجرام:” أجازة أسبوع ولما أرجع أشوف عملتوا ايه مع الفرعون “.
ونشرت ياسمين عز، تعليقا لمتابع لبنانى طلب مساعدتها فى اختيار اسم مولوده قال :” أنا جايني صبي ع الطريق واسمي رمزي ايش اسمي ابني”.
وردت ياسمين عز عليه قائلة : ” هتسمي ابنك (مبلغ) علشان يكون اسمه (مبلغ رمزي) والمدام كل ما تنادي عليه ،، تفتكر انه مبلغ رمزي .. ف ما تطلبش منك فلوس كتير للسبوع،، عارف السبوع ولا مش عارفه ،، عندكم في لبنان سبوع ولا مافيش ؟”.
