مع طرح البنك الاهلي وبنك مصر لشهادات ادخار جديدة بعائد مدفوع مقدم، هل تعلم أنه يوجد بنك من البنوك المصرية بيطرح شهادة بعائد 39% وأيضا العائد مدفوع مقدم.
بس ياترى ايه تفاصيل الشهادة دي؟ وايه الفرق بينها وبين الشهادات الجديدة في بنك مصر والبنك الاهلي؟ وايه حكاية الشهادات الجديدة؟ وياترى ممكن تقدم عليها ازاي؟
هو في شهادة استثمار ممكن تدفعلك عائد 35 ولا حتى 30%، الحقيقة انه فيه شهادة بتقدملك عائد اكتر من كده، ايوة زي ما سمعت في شهادة موجودة في مصر وبتقدملك عائد بيوصل لاكتر من 35%
بس هو ايه تفاصيل الشهادة دي؟
بص ياسيدي، حسب المصري اليوم، بنك التنمية الصناعية بيقدملك شهادة ادخار بعائد تراكمي 39% من قيمة الشهادة، ومش بس كده ده كمان بيدفع مقدم مش بينتظر دوريات صرف ولا حاجة
وعلى فكرة العائد ده بيتحط في حساب العميل من تاني يوم شرا الشهادة، ومدتها 3 سنين والحد الأدنى لشرا الشهادة دي هو 50 الف جنيه.
بس السؤال هنا هو ايه الفرق بين الشهادة دي وشهادات البنك الاهلي الجديدة، خصوصا ان في شهادة منهم العائد يتاعها مقدم؟
انا اقولك، شهادات البنك الأهلي وبنك مصر هي عبارة عن شهادات دولارية يعني بتستثمر فيها بالدولار منهم شهادة بتاخد العائد بتاعها بالدولار وشهادة تانية بتاخد العائد بتاعها مقدم وبالجنيه المصري بس برضو بتستثمر فيها بالدولار
بس ايه تفاصيل الشهادات دي؟
البنك الأهلي أعلن من ساعات عن طرح شهادات دولارية جديدة وده عشان يلبي رغبة العملات في استثمار مدخراتهم من العملة الأجنبية في شهادات تحافظ على فلوسهم وكمان تزودها.
عشان كده طرحوا شهادتين الشهادة الاولى مدتها 3 سنين بعائد سنوي 7٪ وبيتصرف بالعملة الاجنبية كل 3 شهور.
كمان ممكن تقترض بضمانها لحد 50% من قيمتها بالجنيه المصري، لأغراض استثمارية بس بحد أقصى 10 مليون جنيه وبسعر عائد قيمته 2.25 % أقل من سعر إقراض البنك المركزي
والشهادة دي موجودة بتفاصيلها في البنك الأهلي باسم الاهلي بلس، وفي بنك مصر باسم “ايليت”
اما الشهادة الدولارية التانية فهي برضه مدتها 3 سنين، و بسعر عائد سنوي 9% بيتصرف مقدم بالجنيه المصري عن الفترة كلها بواقع 27% من قيمة الشهادة عن إجمالي مدتها.
بس خد بالك العائد بيكون بالجنيه المصري لكن بتسترد المبلغ الأصلي للشهادة في تاريخ الاستحقاق الدولار الأمريكي. الشهاده الدولاريه بفائده 9% موجوده في البنك الاهلي باسم شهاده الاهلي فورا وفي بنك مصر باسم شهاده القمة.
والحد الادنى لشراء اي شهاده من الاربع شهادات 1000 دولار امريكي ومضاعفاتها، يعني 1000 دولار 2000 دولار وهكذا. والعائد بيتحسب من تاني يوم شراء، وكمان ممكن تسترد بعد مرور 6 شهور من تاريخ الشرا، حسب للقواعد المعمول بها وجدول الاسترداد المعلن عنه.
طيب تستري الشهادات دي ازاي؟
بص ياسيدي دلوقتي انت تقدر تشتري الشهادات الدولارية الجديدة من كل الفروع التابعة للبنك الاهلي أو بنك مصر.وكمان تقدر تشتريها اون لاين عن طريق الموقع الالكتروني لكل بنك او من خلال تطبيقاتهم للانترنت البنكي
ودلوقتي بقى قولنا رايك ايه أفضل شهادة ادخار موجوده في مصر من وجهة نظرك؟
