كشف الفنان أحمد مالك، تفاصيل انفصال والديه، مؤكدًا أنه عاش فترة من الغضب والرغبة في الهروب من المسؤولية نتيجة هذا الانفصال.
وقال أحمد مالك في حواره مع الإعلامي الإماراتي أنس بوخش، في برنامجه AB Talks: أنا من عائلة متوسطة كويسة معيشيا، وكنا عايشين في الدقي، ووالدي وأمي زي أهالي كتير انفصلوا وأنا مراهق، وكان حدث ثقيل حاولت أتعامل معه، وكان عندي غضب لكن مع تقدم العمر فهمت إن أهلي بني آدمين، والحمد لله علاقة دلوقتي كويسة مع والدي، ووالدتي كل حاجة في حياتي، ووجودي مع إخواتي يشعرني بالأمان.
وواصل: هما كانوا في حتة صعبة وكان في شوية عنف وده بيحصل في بيوت كتير جدًا، ده كان تقيل علينا وكنت بحاول أتعامل معاه بس كان عندي غضب ومش فاهم ليه ده حصل، وده حصل في بداية شهرتي وشغلي، وكنت تايه خاصة أنك بتختار شخص واحد بس من الاتنين، وعايز أهرب من كل حاجة والمسؤولية، والقدر في الآخر خلاني مع والدتي وعيشت معاها كتير وهي كل حياتي.
أما عن علاقته بوالدته، فقال أحمد مالك: والدتي ست بيت، ولما بيحصل انفصال تبقى المشكلة في الدخل هيبقى منين ودي مشكلة بتواجه ستات كتير في مجتمعتنا العربية، وفجأة مبقاش معانا حاجة، وكان لسة الفن مبيأكلش عيش، وكان نفسي والدتي تبقى أقوى، ووالدي يسمع أكتر.
وكشف الفنان أحمد مالك، حقيقة غيرته من الفنان أحمد داش، قائلا: “أنا مبسوط لأحمد داش على اللي وصل له”.
وكشف برومو برنامج “رامز جاب من الآخر” الذى يقدمه رامز جلال عن قائمة النجوم والمشاهير الذين يقعون ضحايا فى البرنامج.
وظهر عدد من النجوم فى برومو برنامج “رامز جاب من الآخر”، من بينهم أحمد السقا، وباسم سمرة، ومحمد لطفي، وميرهان حسين، وأحمد حسام ميدو، وكزبرة، ونجلاء بدر، وسمية الخشاب، ومحمد شاهين، وباميلا الكيك، وعبد الناصر زيدان، ومحمد رياض، وحمادة هلال، وحسن شاكوش وطليقته، وحمدي الميرغني، وهدى المفتي، وأحمد مالك، وآيتن عامر، ومي عمر، ونسرين أمين، ويسرا اللوزي، وانتصار، وأحمد فهمي.
مقالات أخرى قد تهمك
صدمة للوسط الفني.. وفاة فنان شهير بعد تعرضه لوعكة صحية
ليه مستقصدنا| محمد رمضان ينفعل على مدير فندق شهير.. ايه القصة؟
