شارك الفنان شريف منير صوره جديده له عبر حسابه الشخصي علي موقع التواصل الاجتماعي انستجرام، وذلك على خلفية التنمر على ابنته أسما بعد حلاقة شعرها بالكامل.
وظهر شريف منير برفقة اسرته وعلق قائلًا: “هفضل طول عمري في ضهركم لاخر يوم في عمري”.
شريف منير يفاجئ الجميع برسالة قوية لـ ابنته
وفي وقت سابق، ردت الإعلامية أسما شريف منير، على الانتقادات التي تعرضت لها الساعات الماضية، بسبب قيامة بحلق شعرها بالكامل، وذلك خلال مداخلة هاتفية ببرنامج “اَخر النهار” المذاع على قناة “النهار”.
وقالت أسما عن والدها الفنان شريف منير: “هو بيتحمل حاجات ملهوش علاقة بيها لمجرد إنه بابا، هو ذنبه إيه حتى لو عملت حاجة غلط، ليه بتحملوها أي حاجة خاصة بيا ليه، هو وقف دعمني ووقف في ضهري وأنا مكنتش عارفة رد فعله وهيعمل إيه لإني قررت الموضوع وأنا في الكوافير”.
وتابعت: “المتابعين وصلوا إنهم بيحاولوا يسخنوا أبويا عليا وتعالى شوف بنتك ويعملوله تاج وساعات بلبس لبس هو كراجل شرقي مبتبقاش عجباه، ويقولي شيلي الصورة فبشيلها ويقولي اللبس ده مش عاجبني ومتلبسيش الحاجة دي تاني وبسمع كلامه وكل ده بيحصل في البيوت”.
وأضافت: “مش عارفة ليه عايزين يبوظوا علاقتنا ببعض وهو شخص ليه طاقة والموضوع بيوصل لفكرة التحريض عليا، ولكن في النهاية رسالتي لبابا إني بشكره إنه قدر يتفهم اللي عملته رغم قسوة اللي اتقال”.
